Roy Keane: "Liverpool ni Mabingwa Wabaya"

Kiongozi wa zamani wa Manchester United, Roy Keane, amezua shambulio kubwa dhidi ya kikosi cha Liverpool FC chini ya kocha Arne Slot, akiwaita “mabingwa wabaya” baada ya sare ya kusikitisha ya 1-1 dhidi ya Tottenham Hotspur Anfield.

Mshauri huyo maarufu amehoji mtazamo wa kikosi hicho, akilaumu kusherehekea kupita kiasi ushindi wa ligi ya mwaka jana huku wakikosa kushindana kikamilifu kwa taji la sasa.

Matokeo ya jana yamewaacha mabingwa wa sasa wa Premier League wakishika nafasi ya tano kwenye msimamo wa ligi  wakiwa pointi mbili nyuma ya Aston Villa walioko nne na pointi moja tu mbele ya Chelsea FC walioko sita. Liverpool kwa sasa wana pointi 49 kutoka mechi 30, huku mechi 8 pekee zikiwa zimebaki kufikia mwisho wa msimu.

Akinukuu matokeo hayo, Keane alionyesha kushangazwa na jinsi timu ya Arne Slot imepungua kiwango, akibaini kuwa kwa sasa wako pointi 21 nyuma ya viongozi wa ligi, Arsenal FC. Alisema: “Kuzingatia walikuwa mabingwa wa ligi mwaka jana, nimekuwa nikisema mara kadhaa, Liverpool ni mabingwa wabaya. Sasa wako pointi 21 nyuma ya Arsenal; ni upungufu mkubwa kiasi hiki! Hali ni mbaya sana.”

Keane pia alielezea hofu kuhusu mtazamo wa wachezaji na matatizo ya ndani ya klabu akisema kuwa anadhani kuna mambo yanayoendelea nyuma ya pazia. Ila hajui kama wote wako kwenye mstari mmoja na hainonekani kuna urafiki wa kutosha kati ya wachezaji.

Kashfa nyingine iliyoibuliwa na Keane ni kusherehekea kupita kiasi kwa wachezaji baada ya ushindi wa ligi ya mwaka jana. Alieleza kwamba timu hiyo iliendelea na sherehe huku msimu bado ukiendelea kwa wiki kadhaa, jambo ambalo limeathiri uwezo wao wa ushindani.
Akionyesha pointi tisa walizopoteza, Keane alisema:

“Mwaka jana nilikuwa mkali dhidi ya Liverpool, na nilihisi kila mara walikuwa wakisherehekea sana. Walikuwa wakisherehekea huku wakibaki na wiki nne, tano, au sita za msimu… Wewe ni Liverpool Football Club; je, hufai kushinda taji la ligi? Kwa hivyo unaposhinda, furahia, lakini hakikisha unafuatilia ushindi huo mwaka ujao.”