Kocha mkuu wa Everton Frank Lampard amesema kuwa Jordan Pickford na Anthony Gordon wanakaribia kuweka mustakabali wao Everton huku kukiwa na tetesi za uhamisho.
Kipa huyo wa Everton alikuwa mtu muhimu tena wakati Uingereza ilipotinga robo fainali ya Kombe la Dunia nchini Qatar, huku Gordon akihusishwa mara kwa mara na Chelsea katika dirisha la uhamisho lililopita.
Uhamisho wa Stamford Bridge haujatimia kwa winga huyo mwenye umri wa miaka 21, ambaye amefunga mara tatu katika mechi 14 za Primia Ligi msimu huu, Tottenham inaripotiwa kuvutiwa na Pickford, lakini Lampard hatarajii wawili hao kupndoka pamoja na Alex Iwobi aliyefufuliwa kuondoka Goodison Park siku za usoni.
Lampard amesema kuwa; “Tuko katika hali ambayo tunataka wabaki, na wanataka kusalia hiyo ndiyo yamekuwa hisia kwa hivyo tuko karibu sana kukamilisha saini zao.”
“Sitaki kumzungumzia, lakini Jordan anahisi furaha sana katika klabu hii. Hayo ndiyo maoni ninayopata. Sisi ni klabu kubwa yenye historia kubwa na matarajio makubwa, na yeye ni sehemu kubwa ya hilo.”
Kocha huyo aliongeza kwa kusema kuwa, Labda, alibahatika kucheza Ligi ya Mabingwa mara nyingi, lakini alipojisikia vizuri kwenye klabu, aliingia huku akiwa na tabasamu usoni kila siku na akitazamia kila mchezo.
Hivyo ikiwa Jordan anahisi hivyo, na wanaweza kuendana na matarajio ya kila mmoja, haoni hilo kama shida.
Ingawa Lampard hatazamii mchezaji yeyote muhimu kuondoka Januari, kiungo huyo wa zamani wa Chelsea anataka kufanya uhamisho wa Conor Coady kwenda Everton kuwa mkataba wa kudumu.
Coady hastahili kumenyana na klabu mama ya Wolves, huku beki wa kati na Pickford wakiwa bado wanayumba kwa kutolewa kwa Kombe la Dunia la Uingereza mikononi mwa Ufaransa.
Conor na Jordan ni wazuri na itakuwa vizuri kama watabaki nasi klabuni hapa hakuna mbaya zaidi kuliko wakati huo unapotoka. Lakini uzuri wa mashindano haya kuwa katikati ya msimu ni kwamba wanarudi moja kwa moja kwenye vilabu vyao na Ligi ya Primia, na wanajua jinsi tunavyowaheshimu.
“Ni wazi, Conor hawezi kucheza Jumatatu, lakini wamerudi na mtazamo mzuri sana.”
