Kocha mkuu wa RB Leipzig Marco Rose haelewi ukosoaji wa uchezaji wa Erling Haaland kwa Manchester City, akitania kuwa “Ikiwa humtaki, mleteni kwangu.”
Leipzig itasafiri hadi Uwanja wa Etihad kwaajili ya mechi ya mkondo wa pili wa hatua ya 16 bora ya Ligi ya Mabingwa dhidi ya City leo, baada ya kurejea na kutoka sare ya 1-1 mwezi uliopita.
Vijana wa Marco Rose walikuwa na Haaland ambaye alimfundisha wakati wa msimu mmoja akiinoa Borussia Dortmund wakati huo, lakini Mnorweyi huyo amefunga mabao 28 katika mechi 26 za ligi kuu msimu huu.
Licha ya marejeo hayo, wengine wamependekeza Haaland haifai kwa mtindo wa uchezaji wa Pep Guardiola, huku beki wa zamani wa Liverpool Jamie Carragher akihoji kama mshambuliaji huyo kama alichagua klabu ambayo sio sahihi kwake mwezi uliopita.
Lakini kocha wa zamani wa Haaland, Marco haoni shida yoyote katika uwepo wake katika timu ya City na anaamini kuwa haiwezekani kumnyamazisha kabisa.
Kocha huyo amesema kuwa; “Ikiwa humtaki, mlete kwangu! Nitamchukua, hata kwa mechi 10 zilizopita tu. Baada ya hapo, unaweza kumrudisha. Nimeshangaa sana kuhusu hilo la ukosoaji. Amefunga mabao 28 katika mechi 26 za ligi. Ukiondoa mabao hayo, sijui City ingekuwa wapi kwenye ligi na sijui tunazungumzia nini. Kila mtu anajua kuhusu sifa za Haaland. Tuliweza kujilinda vyema dhidi yake katika mechi ya kwanza, lakini hautaweza kumnyamazisha kabisa.”
Haaland amefunga mara 17 katika michezo 11 ya nyumbani ya Ligi ya Mabingwa katika maisha yake ya soka, akifunga mabao mawili au zaidi mara saba na kufunga bao moja kila baada ya dakika 49 katika mechi hizo.
Huku City wakifurahia mfululizo wa mechi 23 bila kufungwa katika mechi za Ligi ya Mabingwa huko Etihad, Marco anasema Leipzig lazima watoe onyesho lao bora zaidi la msimu ili kusonga mbele.
Tulicheza dhidi ya Man City wiki tatu zilizopita. Tunajua tutakutana na nini. Lazima upate usawa sahihi dhidi ya timu ya juu kama hiyo. Kujiamini, kujiamini na sisi kucheza mchezo wetu bora wa msimu ndio tunachohitaji kesho. Alimaliza hivyo kocha huyo.
