Mshindi wa mechi wa Manchester City Rodri amechaguliwa kuwa Mchezaji Bora wa Ligi ya Mabingwa wa Msimu na UEFA huku wachezaji saba wa City wakiwa kwenye timu Bora ya msimu na Erling Haaland akitwaa Bao Bora la Msimu.
Bao la Rodri dakika ya 68 lilifanya tofauti wakati City ilipoilaza Inter Milan 1-0 mjini Istanbul na kubeba Kombe la Uropa na kukamilisha mataji matatu.
Na siku ya jana mchezaji huyo mwenye umri wa miaka 26 alitawazwa mchezaji bora wa msimu na jopo la waangalizi wa kiufundi la UEFA.
Rodri alicheza katika mechi zote isipokuwa moja ya Ligi ya Mabingwa ya City msimu huu, huku mshindi wa mechi ya Jumamosi akifunga bao lake la pili katika dimba hilo kampeni hii.
Kiungo huyo wa kati wa Uhispania alijumuishwa na wachezaji wenzake sita katika timu ya msimu huu huku Haaland, Kevin De Bruyne, John Stones, Ruben Dias, Bernardo Silva na Kyle Walker wote wakijumuishwa.
Federico Dimarco wa Inter na Alessandro Bastoni pia walichaguliwa pamoja na kipa wa Real Madrid Thibaut Courtois na mshambuliaji Vinicius Junior.
City pia ilinyakua tuzo ya bao bora la msimu kupitia kwa Haaland kwa bao lake la sarakasi dhidi ya klabu ya zamani ya Borussia Dortmund wakati wa awamu ya makundi, alipopinda na kugeuza pasi ya Joao Cancelo na kutinga wavuni wakati City iliposhinda 2-1.
