Chelsea Yatolea Nyuma na Kushinda Kombe la Conference League

Msimu wa Chelsea umemalizika kwa ushindi huko Wroclaw baada ya kutoka nyuma na kuwachapa Real Betis 4-1 kwenye fainali ya UEFA Conference League, na kutwaa taji lao la kwanza chini ya umiliki wa Clearlake Capital.

Kila kitu kwa timu ya Enzo Maresca kilibadilika ndani ya dakika tano katikati ya kipindi cha pili.

Ndani ya muda huo mfupi, Cole Palmer aligeuza mchezo ambao Betis walikuwa wakidhibiti kwa kiasi kikubwa na kuufanya kuwa wa upande mmoja kwa Chelsea. Alitoa pasi zilizowezesha vichwa vya mabao kutoka kwa Enzo Fernandez na Nicolas Jackson wakati ambao ulionekana kama vijana wa Chelsea walikuwa wakielemewa na uzito wa fainali hiyo.

Kulikuwa na hali ya wazi kwamba Betis  ambao mashabiki wao walitawala uwanja kwa sauti na idadi  walianza fainali yao ya kwanza barani Ulaya wakiwa na shauku kubwa zaidi.

Isco, mshindi mara tano wa Ligi ya Mabingwa Ulaya lakini si kama nahodha, alieleza kabla ya mechi kuwa huenda mchezo huo ulikuwa na maana zaidi kwao kuliko kwa Chelsea na katika kipindi cha kwanza, Betis walionekana kuwa na nguvu ya ziada.

Reece James aliingia baada ya Gusto baada ya mapumziko, na taratibu Chelsea walianza kuwasukuma Betis kwenye eneo lao. Hatimaye dakika ya 65 ya fainali walipata nafasi yao ya kwanza halisi  au tuseme Palmer aliitengeneza peke yake.

Ni Palmer aliyemuona Enzo Fernandez akikimbia mbele, kisha akampigia pasi kutoka upande wa kulia ambayo mchezaji huyo wa Argentina aliipiga kwa kichwa na kuiingiza wavuni kupitia mikono ya kipa Adrian.

Mshtuko huo uliwaathiri Betis ambao walionekana kuchoka kutokana na juhudi kubwa waliweka. Kilichosalia cha ari yao kilitoweka pale Sancho alipofunga bao la tatu kwa mkwaju wa mviringo uliokwenda moja kwa moja kwenye kona ya juu ya goli, dakika saba kabla ya Caicedo kukamilisha ushindi kwa bao la nne.

Baada ya ushindi huo sasa, Chelsea inakua klabu pekee kubeba makombe la Ulaya yote ambayo yaliaznishwa ikiwemo, UEFA, Europa League, Super Cup pamoja na Conference league.