Tottenham wanaendelea na harakati za kumsajili golikipa wa Brentford David Raya kwaajili ya msimu ujao.
Mchezaji huyo wa kimataifa wa Uhispania anaweza kuwa mchezaji wa kwanza wa Tottenham Spurs kusajiliwa na Ange Postecoglou baada ya mazungumzo chanya, shirika la habari la PA linaelewa.
Tottenham bado ndio klabu pekee katika mazungumzo na wawakilishi wa Raya na kusalia katika nafasi nzuri na, licha ya kuhusishwa na Chelsea haijawasiliana.
Kocha wa Brentford Thomas Frank ameweka bei ya pauni milioni 40 kwa mchezaji huyo mwenye umri wa miaka 27 ambaye amebakiza miezi 12 tu katika mkataba wake klabuni hapo lakini wawakilishi wa Raya wanahisi bei inayotakiwa ni kubwa sana kwa mtu ambaye amebakiza mwaka mmoja tu kwenye mkataba wao.
Hakujakuwa na makubaliano rasmi kati ya vilabu, huku Spurs wakidhaniwa kuwa hawataki kulipa bei ya Brentford.
Raya anatazamiwa kuondoka kwenye Uwanja wa Gtech Community Stadium baada ya kulithibitishia shirika la habari la PA mwezi Februari kuwa alikataa ofa mbili za kandarasi kutoka kwa Bees lakini ametulia London jambo ambalo linaipa Spurs faida ya ziada.
Kipa huyo, ambaye ameichezea Brentford mechi 161 tangu ajiunge nayo 2019, yuko ugenini na Uhispania kwa fainali za Ligi ya Mataifa huko Uholanzi na watamenyana na Italia katika nusu fainali Juni 15.
Brentford tayari wamemsajili Mark Flekken kutoka Freiburg huku wakijiandaa kwa maisha bila mlinda mlango huyo wa zamani wa Blackburn.
Raya aliokoa mara nyingi zaidi katika Ligi kuu msimu uliopita 154 huku Brentford ikimaliza nafasi ya tisa, pointi moja na nafasi nyuma ya Tottenham.
Spurs wanamuwinda nambari moja mpya baada ya Hugo Lloris kukiri kwamba anataka changamoto mpya baada ya miaka 11 katika klabu hiyo, ingawa mchezaji huyo wa zamani wa kimataifa wa Ufaransa bado ana mwaka mmoja kwenye mkataba wake.
Postecoglou anakwenda kwa kasi tangu alipokubali mkataba wa miaka minne kujiunga kutoka Celtic wiki iliyopita na atachukua rasmi nafasi hiyo Julai 1.
