Edinson Cavani aifungia timu yake mpya Valencia mabao mawili hapo jana katika sare ya 2-2 na Elche huku yakiwa ni ndio mabao yake ya kwanza toka ajiunge na timu hiyo akitokea Manchester United.
Mshambuliaji huyo wa Uruguay mwenye umri wa miaka 35 alifunga mkwaju wa penalti dakika ya 41 ikifuatiwa na mpira wa kichwa wa dakika za lala salama kwa kufunga mabao mawili mwishoni mwa kipindi cha kwanza cha mchezo wa LaLiga huko Mestalla.
Mabao hayo yaliwapa Valencia uongozi wa 2-1, lakini wakabanwa nyuma na bao la pili la Pere Milla kwenye mchezo katikati ya kipindi cha pili. Cavani amekuwa mchezaji wa tano wa Amerika Kusini katika karne ya 21 kufunga katika ligi nne kati ya tano bora za Ulaya, Opta alisema.
Alimfuata Alexis Sanchez, James Rodríguez, Philippe Coutinho na Angel Di Maria katika klabu hiyo ya kipekee.
Cavani amezifumania nyavu kwenye Serie A kwa Palermo na Napoli, Ligue 1 akiwa na Paris Saint-Germain, ambapo ndiye mfungaji bora wa klabu hiyo, na katika Ligi Kuu ya Uingereza akiwa na Manchester United. Bado hajacheza katika Bundesliga.
Mabao hayo dhidi ya Elche yalipatikana katika mechi ya nne kwa Cavani kuichezea Valencia, baada ya kujiunga na klabu hiyo mwezi Agosti baada ya kandarasi yake United kumalizika.
