Estupiñán Ameiambia Brighton Kuwa Anataka Kuondoka Huku Mazungumzo na AC Milan Yakiendelea.

Milan wamewasilisha ofa ya awali kwa ajili ya kumsajili Pervis Estupiñán, ambaye anaripotiwa kuwa tayari ameiambia Brighton kwamba anataka kujiunga na klabu ya nje ya Uingereza msimu huu wa joto.

Mtaalamu wa usajili wa Italia, Matteo Moretto, amethibitisha kuwa Milan wamewasilisha ofa ya kwanza ya kumsajili beki wa kushoto wa Brighton, Estupiñán.

Mazungumzo rasmi kati ya klabu ya AC Milan ya Serie A na Brighton ya Premier League yalianza siku ya Alhamisi, huku Rossoneri wakitafuta mrithi wa Theo Hernandez.

Ripoti kuhusu kiasi cha fedha kilichotolewa na Milan zinatofautiana — Calciomercato.com wanadai kuwa ofa ya kwanza ya Milan ilikuwa €14m pamoja na bonasi, wakati Moretto anaripoti kuwa ni chini kidogo, kati ya €12m hadi €13m.

Pia meridianbet inatoa michezo ya kasino ya mtandaoni kama vile, Aviator, poker, Roullette, sloti na mingine kibao. Ingia meridianbet na ucheze sasa.

Pamoja na hayo, Milan wana matumaini ya kufikia dau linalokubalika na Brighton katika siku chache zijazo, huku kocha mpya Massimiliano Allegri tayari akiwa ametoa baraka zake kwa usajili wa Estupiñán.

Kwa mujibu wa Moretto, Brighton wanamthamini Estupiñán kwa kiasi kisichozidi €30m, na mchezaji huyo wa kimataifa kutoka Ecuador tayari ameweka wazi kuwa anataka kuendeleza taaluma yake ya soka katika klabu ya nje ya Uingereza.

Estupiñán, mwenye umri wa miaka 27, alijiunga na Brighton akitokea Villarreal kwa ada ya €17.8m mwaka 2022. Ameshafunga magoli manne na kutoa asisti 11 katika mechi 84 za Premier League.