Mshambuliaji wa Napoli Khvicha Kvaratskhelia ameteuliwa na UEFA kama Mchezaji Chipukizi wa Ligi ya Mabingwa kwa Msimu wa 2022-23.
Mchezaji huyo raia wa Georgia ameanza soka la Italia na Ulaya kwa kasi tangu alipowasili kwa Euro milioni 11.5 kutoka Dinamo Batumi majira ya joto yaliyopita, na kuisaidia Napoli kutwaa taji lao la kwanza la Serie A baada ya miaka 33, akifunga mabao 12 na kutoa asisti 13 katika mechi 34 alizocheza kwenye ligi.
Wiki iliyopita, Kvaratskhelia alitawazwa MVP wa ligi hiyo kwa msimu wa 2022-23, akirithi taji hilo kutoka kwa Rafael Leao wa Milan.
Sasa, Kvaratskhelia ametambuliwa kwa mafanikio yake katika bara hili pia, baada ya kupachika mabao mawili na kutoa pasi nne za mabao kutoka kwa mechi tisa huku Napoli wakifuzu kwa robo fainali ya shindano hilo kwa mara ya kwanza kabisa.
Mwishowe, Kvaratskehlia na Napoli walitupwa kando kwa mtindo wa kustaajabisha na Milan ya Stefano Pioli kwa mikondo miwili ya robo, wakikosa pambano la nusu-fainali ya Italia na waliofika fainali Inter.
Licha ya kuondolewa kwa timu hiyo, UEFA ilikuwa imeona vya kutosha kuthibitisha kwamba Kvaratskhelia amekuwa chipukizi aliyefanya vyema zaidi katika Ligi ya Mabingwa kwa msimu wa 2022-23.
