ili kutathmini hali inayomhusu Jean-Philippe Mateta, ambaye inaripotiwa kugundulika kuwa na tatizo la goti wakati wa vipimo vyake vya afya na Rossoneri.
Kwa mujibu wa ripoti kutoka kwa Gianluca Di Marzio, Daniele Longo na Orazio Accomando, Milan bado wana matumaini ya kumsajili Mateta kabla ya kufungwa kwa dirisha la usajili siku ya Jumatatu, lakini bado wanaendelea kutathmini hali hiyo.
Ripoti mbalimbali zinaeleza kuwa Milan watamtuma daktari wa klabu kwenda Uingereza kuchunguza hali hiyo mapema Jumatatu.
Dirisha la usajili la Januari litafungwa saa 19:00 siku ya leo, Februari 2, kwa Serie A na Premier League.
Meridianbet inakwambia kuwa endelea kubashiri hapa kwani ODDS KUBWA na machaguo zaidi ya 1000 yapo hapa. Ingia kwenye akaunti yako na uanze safari yako ya ushindi sasa.
Rossoneri tayari wana makubaliano na Crystal Palace juu ya ada inayozidi euro milioni 30. Klabu hiyo ya kusini mwa London ilitoa ruhusa kwa Mateta kufanyiwa vipimo vya afya na Milan baada ya kufikia makubaliano ya kumsajili mbadala wake, Jorgen Strand Larsen kutoka Wolverhampton Wanderers.
Mateta alianza vipimo vyake vya afya London siku ya jana, lakini kulingana na taarifa za hivi karibuni, kulikuwa na wasiwasi kuhusu uwezekano wa tatizo la goti wakati wa tathmini ya kitabibu. Hili limeifanya Milan kuwa waangalifu kutokana na gharama kubwa ya usajili wa Mateta.
Zaidi ya hayo, Milan waliwahi kupitia hali kama hii wakati wa dirisha la usajili la majira ya joto lililopita na Victor Boniface. Mchezaji huyo wa kimataifa wa Nigeria alifika Italia kwa ajili ya vipimo vya afya, lakini hatimaye aliambiwa arejee Ujerumani kutokana na wasiwasi kuhusu historia yake ya afya.
Uamuzi wa mwisho kuhusu Milan na Mateta unatarajiwa kufanyika siku ya Jumatatu.
