Mason Mount amecheza mechi yake ya kwanza Manchester United wakati kikosi cha Erik ten Hag kikianza ratiba yao ya maandalizi ya msimu mpya kwa ushindi wa 2-0 dhidi ya Leeds mjini Oslo.
Mchezaji huyo mwenye umri wa miaka 24, ambaye alisajiliwa kwa pauni milioni 55 kutoka Chelsea mwezi uliopita, alicheza dakika 45 za kwanza na kung’ara katika kipindi tulivu cha kwanza.
Kikundi cha wachezaji kumi wa kwanza wa Ten Hag kilikuwa mchanganyiko wa vijana na uzoefu, huku Lisandro Martinez, Raphael Varane na Jadon Sancho wakijumuika na vijana wanaotarajiwa kama vile Kobbie Mainoo na Omari Forson.
Heshima zilitolewa kabla ya kuanza kwa beki wa zamani wa Scotland, Manchester United na Leeds Gordon McQueen, aliyefariki akiwa na umri wa miaka 70 mwezi uliopita.
Ten Hag alisema kuwa; “Nina uhakika atachangia mafanikio ya Manchester United kwa sababu yeye ni mchezaji bora. Katika kiungo lazima ushambulie lakini pia unatakiwa kujilinda. Ataleta nguvu kwenye mchezo wetu. Tunahitaji nguvu zaidi katika idara hiyo ya kiungo.”
Daniel Farke alichukua jukumu la mchezo wake wa kwanza kama meneja wa Leeds, ambao wanajiandaa kwa maisha ya kurejea kwenye Ligi daraja la kwanza baada ya kushuka daraja msimu uliopita.
Mashetani Wekundu wanaendelea maandalizi ya msimu ujao ambapo watakuwa na pambano dhidi ya Lyon mjini Edinburgh Jumatano ijayo kabla ya kuelekea Marekani kwa mechi dhidi ya Arsenal, Wrexham, Real Madrid na Borussia Dortmund.
