Beki wa Italia Mbioni Kufanyiwa Vipimo vya Afya Napoli

Beki wa Italia Alessandro Buongiorno atafanyiwa vipimo vya afya na Napoli kesho au Jumanne baada ya wakala wa mchezaji huyo kufikia makubaliano kamili na Partenopei.

Beki wa kati wa Torino, Buongiorno yuko mbioni kujiunga na Napoli na atafanyiwa vipimo vya afya mwanzoni mwa wiki ijayo.

Kwa mujibu wa mtaalamu wa uhamisho wa Sky Sport Italia Gianluca Di Marzio, wakala wa mchezaji huyo, Beppe Riso amefikia makubaliano ya mwisho na Napoli Jumamosi usiku, hivyo mteja wake atafanyiwa uchunguzi wa kimatibabu na kusaini mkataba wake na Napoli Jumatatu au Jumanne.

Ripoti hiyo inadai pande hizo mbili zimepeana mikono kwa kila undani wa mkataba, pamoja na bonasi, ikiwa Napoli itashinda Scudetto.

Kikosi cha Antonio Conte kitalipa €40m kumsajili mchezaji huyo wa kimataifa wa Italia. Mchezaji huyo wa kimataifa alikuwa sehemu ya kikosi cha Azzurri kwenye EURO 2024 lakini alitumia mechi zote nne kwenye benchi.

Buongiorno alipuuza ofa kutoka kwa wapinzani wa jiji la Torino Juventus kabla ya kukubali ofa ya Napoli.