Ripoti nyingi nchini Italia zinadai kuwa Juventus walianza mazungumzo ya kumsajili Jean Clair Todibo baada ya UEFA kuzuia uhamisho wa Mfaransa huyo kwenda Manchester United.
Kwa mujibu wa magazeti yote ya michezo ya Italia, Juventus wanavutiwa na beki wa OGC Nice Todibo na wamefungua mazungumzo ya awali na klabu hiyo ya Ufaransa.
Kulingana na La Gazzetta dello Sport, bei ya Nice inayouliziwa ni karibu €40m, ada ya uhamisho sawa waliyokubaliana na Manchester United. Kwa mujibu wa Corriere dello Sport, Juventus wanaweza kupiga dili la takriban €35m.
UEFA hivi majuzi wamezuia uhamisho wa Todibo kwenda Old Trafford chini ya sheria za umiliki wa vilabu vingi.
Wamiliki wa OGC Nice Ineos wana hisa ndogo katika klabu yaUnited na hata kama vilabu vyote viwili viliruhusiwa kushiriki Ligi ya Europa msimu ujao, Todibo alipigwa marufuku kujiunga na United.
Wakurugenzi wa Juventus na Nice wako kwenye mahusiano mazuri, baada ya kufikia makubaliano hivi karibuni kwa uhamisho wa Khephren Thuram. Kiungo huyo wa kati wa Ufaransa anatarajiwa kufanyiwa vipimo vyake vya afya na Bianconeri wiki ijayo.
Jakub Kiwior wa Arsenal pia yuko kwenye ajenda ya Juventus, lakini kulingana na Gazzetta na Corriere dello Sport, yeye ndiye ‘Mpango B’ wa Bibi Kizee huyo hata kama mchezaji huyo wa kimataifa wa Poland tayari alicheza chini ya Thiago Motta huko Spezia.
