Kipa wa Sevilla Marko Dmitrovic alionya kuwa anajua jinsi ya kujilinda baada ya kuhusika katika ugomvi na shabiki wakati wa kupoteza kwao Ligi ya Europa dhidi ya PSV.
Mlinda mlango huyo aligombana na shabiki aliyemkimbiza uwanjani wakati wa mechi ya mwisho ya kichapo chao cha 2-0 kwenye Uwanja wa Philips Stadion, na kumbana hadi usalama wakaingilia kati.
Ingawa Sevilla walishindwa ugenini baada ya mabao kutoka kwa Luuk de Jong na Fabio Silva, faida yao ya mabao matatu kutoka kwa mkondo wa kwanza iliwafanya kutinga raundi inayofuata.
Akizungumza baadaye, Dmitrovic alieleza juu ya tukio hilo, akisema vurugu kama hizo hazina nafasi katika soka na kutaka adhabu itolewe kwa mtu husika.
Mlinda mlango huyo amesema kuwa; “Alinisukuma kutoka nyuma na kujaribu kunipiga. Alishika pua yangu na shingo kidogo. Ukweli ni kwamba nilitaka kumpiga, ukitaka kumpiga mtu unajisajili kwa mchezo kama ngumi kwani mpira haustahili mambo haya, natumai watamwadhibu. Ilikuwa ni mshangao, kwa sababu umezingatia mchezo.”
Sijawahi kumpiga mtu yeyote katika maisha yangu, lakini najua jinsi ya kujilinda. Sio nzuri katika soka au maisha cha muhimu ni kwamba tumepiga hatua. Alimaliza Dmitrovic.
Stats Perform iliwasiliana na UEFA ili kutoa maoni yao kufuatia tukio hilo, ambapo bodi inayoongoza ilisema itasubiri ripoti ya mechi ya mwamuzi kabla ya kushughulikia hali hiyo.
