Kocha mkuu wa PSG Christophe Galtier anaamini kurejea kwa Kylian Mbappe katika mazoezi ya Paris Saint-Germain siku tatu tu baada ya kushindwa katika fainali ya Kombe la Dunia ni ishara kali.
Mbappe alifunga mabao matatu ‘hat-trick’ katika fainali iliyochezwa Jumapili kwenye Uwanja wa Lusail, akifunga mara mbili kutoka kwa mkwaju huku pia akipiga shuti kali wakati mchezo huo ulimalizika kwa mabao 3-3 baada ya muda wa ziada.
Ilikuwa ni mchezaji mwenza wa Mbappe, Lionel Messi ambaye hatimaye alinyanyua kombe, ingawa, baadaye Argentina walishinda kwa mikwaju ya penalti 4-2. Wakati Messi akirejea Argentina kusherehekea, Mbappe alirejea katika mazoezi ya PSG Jumatano alipokuwa akijaribu kushinda huzuni yake huko Qatar.
Mshambuliaji huyo atarudisha umakini wake kwenye kipindi kilichosalia cha msimu, PSG wakiwa na alama tano kileleni mwa Ligue 1 na wanakabiliwa na mechi kubwa ya Ligi ya Mabingwa na Bayern Munich katika hatua ya 16 bora.
Galtier anahisi uamuzi wa Mbappe kurejea PSG badala ya kuchukua siku za ziada za mapumziko unaonyesha anachojihusisha nacho.
Galtier ameiambia PSG TV; “Nimefurahi sana kumuona Kylian, alikuwa na Kombe la Dunia kubwa. Kurudi huku pia ni ishara kali kwa kila mtu. Mchezaji ambaye huenda alikatishwa tamaa kwa kutonyanyua mataji maridadi zaidi hata kama alikuwa mfungaji bora kwenye Kombe hili la Dunia na mabao 8.”
Kocha huyo aliendelea kusema kuwa wamefurahi sana kumuona, Achraf Hakimi ambaye alifurahia Kombe bora la Dunia huku Morocco ikifika mbali zaidi kuliko Taifa lolote la Afrika katika historia, pia amerejea mazoezini na Mabingwa hao wa Ligue 1 hapo jana.
PSG itarejea kwenye hatua ya ushindani dhidi ya Strasbourg mnamo Desemba 28.
