Bennacer: "Milan Inahitaji Kurejesha Ari ya Ushindi"

Ismael Bennacer anadhani kwamba Milan iliweza kudhibiti hisia zao vizuri katika sare ngumu ya 1-1 dhidi ya Roma kwenye San Siro, akisema kuwa wangeweza pia ‘kuruhusu’ goli katika kipindi cha pili ambapo Giallorossi waliumba nafasi hatari.

Kiungo huyo wa Algeria alirejea uwanjani baada ya miezi minne ya jeraha kubwa na alikuwa na furaha kurudi, alipochukua nafasi ya Filippo Terracciano kipindi cha pili na kucheza dakika 45 zilizobaki.

Bennacer alisema kuwa, “Milan ilidhibiti hisia zao vizuri dhidi ya Roma lakini ilipoteza muendelezo. Nina furaha sana kurudi uwanjani, ilikuwa muhimu kwangu kwa sababu nilifanya kazi kwa bidii sana. Bennacer aliwaambia waandishi wa habari katika mkutano wa baada ya mechi. Sio rahisi kamwe kupona kutokana na majeraha kama haya.”

Pia meridianbet inatoa michezo ya kasino ya mtandaoni kama vile, Aviator, poker, Roullette, sloti na mingine kibao. Ingia meridianbet na ucheze sasa.

Mchezaji huyo aliendelea kusema kuwa ilikuwa mechi maalum kidogo kwake, hawakupoteza umakini na walidhibiti hisia zao vizuri. Wanaweza kuwa wameongoza, lakini pia wanaweza kuwa wameruhusu goli, mwishowe, hawakupoteza hivyo lazima waangalie mbele kwa sababu kuna lengo muhimu la kujiandaa nalo katika siku zijazo.

Kiungo huyo mwenye umri wa miaka 27 alicheza dakika zake pekee chini ya kocha Paulo Fonseca siku ya uzinduzi wa Serie A dhidi ya Torino na alirudi kwenye mechi ambayo huenda ilikuwa mchezo wa mwisho kwa kocha huyo Mreno.

Alipoulizwa kama amekutana na shida katika timu, Bennacer alikiri kuwa wamepoteza muendelezo na wanahitaji kurejesha roho ya kushinda.

“Sitasema kuna shida ndani ya timu,” kiungo huyo aliongezea. Tuna wachezaji wapya, baadhi yao ni vijana, na ni jukumu letu sisi wachezaji wenye uzoefu kuisukuma timu. Tumepoteza muendelezo fulani, lakini tunahitaji kupata roho yetu ya kushinda tena. Kwa hili, tunahitaji tu kazi, uvumilivu, na ari ya kuangalia mbele.”

Rossoneri wamekuwa wakishinda mechi mbili tu kati ya michezo yao mitano ya Serie A iliyopita na sasa wameshika nafasi ya nane kwenye msimamo.