Harry Kane Aikaribia Rekodi ya Rooney Epl.

Unakumbuka Harry Kane alipoanza kufunga na kudhaniwa atakuwa mchezaji wa msimu mmoja tu?

Haikuwa hivo, tangu alipoanza kutisha kwenye msimu wake wa kwanza, hajawahi kuporomoka uwezo tena. Wala haoneshi dalili za kuporomoka.

Mabao yake mawili aliyoyafunga kwenye ushindi wa 3-1 kwa Tottenham dhidi ya Newcastle, hayakumfanya tu kufikisha mabao 20 kwa misimu wa sita mfululizo bali alifungua ukurasa mpya wa mabao 200.

Kati ya hayo, 185 ameyafunga akiwa na uzi wa Tottenham, kisha mengine aliyafunga alipoenda kwa mkopo Millwall magoli 9, Leyton Orient magoli 5 na Leicester city magoli 2.

Katika hali ya kushangaza, imemchukua michezo 350 tu kufikisha idadi hiyo ya mabao. Cristiano Ronaldo anayedaiwa kuwa moja kati ya wafungaji hatari kuwahi kutokea kwenye historia mpira wa miguu, ilimchukua michezo 29 zaidi ya Harry Kane kufikisha idadi hiyo ya mabao 200.

Si Ronaldo tu, bali Harry Kane amefikisha mabao 200 kwa haraka zaidi kuliko Thierry Henry na Sergio Aguero.

Wayne Rooney ambaye ni mfungaji wa pili bora wa muda wote wa EPL, ilimchukua michezo 100 zaidi ya Kane kufikisha mabao 200.

Mourinho aliyefanya kazi na wachezaji wakubwa duniani alikuwa mmoja kati ya watu walioshangazwa na rekodi ya Harry Kane.

Mourinho alisema “inashangaza sana kumuona amefikisha mabao 200 akiwa na umri mdogo namna hii. Sitashangaa kumuona akiwa na mabao 200 mengine.”

Wayne Rooney amefunga jumla ya mabao 208 Ndani ya Premier League, Harry ameshafunga mabao 138. Je, Kane ataweza kuifikia na kuivunja rekodi ya Wayne Rooney.?

Kwa sababu ya thamani ya pesa yako, kwa kila muamala unaofanya wa kuweka pesa kwenye Akaunti yako ya Meridianbet unapata 5% Bonasi.

Soma Zaidi