Martinez Kutua Aston Villa kwa Dau la £16m.

Kipa raia wa Argentina, Emiliano Martinez, anatarajiwa kuagana na Arsenal na kukamilisha uhamisho wake kuelekea Aston Villa kwa kiasi cha £16m.

Martinez, 28, alikuwa tegemeo kubwa la Arsenal katika fainali ya Kombe la FA iliyoshuhudia kikosi hicho cha kocha Mikel Arteta kikiwapepeta Chelsea 2-1 uwanjani Wembley, Uingereza.

Kiini cha kubanduka kwa Emiliano uwanjani Emirates ni maamuzi ya Arteta na benchi ya kiufundi ya Arsenal kusisitiza kwamba Bernd Leno ataendelea kuwa kipa wao chaguo la kwanza kwa mara nyingine muhula huu.

Martinez, ambaye tayari ametua uwanjani Villa Park kufanyiwa vipimo vya afya, atakuwa mchezaji wa tatu kusajiliwa katika kikosi hicho muhula huu baada ya fowadi Ollie Watkins aliyetokea Brentford na beki Matty Cash aliyesajiliwa kutoka Nottingham Forest.

Martinez aliachwa nje ya kikosi cha Arsenal kilichotegemewa na Arteta dhidi ya Fulham katika mchuano wa ufunguzi wa EPL uliowashuhudia wakisajili ushindi wa 3-0 uwanjani Craven Cottage mnamo Septemba 12, 2020.

SHINDA NA MERIDIANBET!

Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.

Cheza Sasa.