Napoli wamewasilisha ofa madhubuti kwa Mmoroco Azzedine Ounahi ambaye alifanya vizuri kwenye michuano ya Kombe la Dunia kwenye uhamisho huu wa Januari.
Mchezaji huyo mwenye umri wa miaka 22, alikuwa mmoja wa nyota wa kikosi cha Simba wa Atlas kwenye michuano ya Kombe la Dunia nchini Qatar, akitokea katika michezo yake yote ya kihistoria hadi kumaliza nafasi ya nne.
Ounahi amekuwa aking’ara kimya kimya kwa Angers kwa muda sasa lakini kazi yake kwenye Kombe la Dunia inaweza kuwa ndiyo inayompeleka kwenye kiwango cha juu zaidi katika taaluma yake.
Kama ilivyoripotiwa na L’Equipe, Napoli wamejaribu kushinda ushindani wao kwa Ounahi na wamewasilisha ofa madhubuti kwa Angers. Timu ya Ligue 1 inataka takriban €25m kwa saini ya mchezaji huyo mwenye umri wa miaka 22, bei inayopatikana kwa Partenopei.
Vilabu vingine kama Olympique Marseille na Leicester City pia viko kwenye mbio za kuwania saini ya Mmorocco huyo. Ushindani mkubwa pia unatoka kwa Almeria inayoungwa mkono na Saudia, ambayo inamilikiwa na Turki Al-Sheikh.
