Joe Willock anaamini kuwa Newcastle ilikuwa “inadaiwa” United na wakilipiza kisasi kwa kushindwa kwao fainali ya Kombe la Carabao na Mashetani Wekundu kwa ushindi wa 2-0 wa Ligi Kuu ya Uingereza.
Magpies walinyimwa kombe la kwanza kubwa katika kipindi cha miaka 68 huku mabao ya Casemiro na Marcus Rashford yakiwadidimiza kwenye uwanja wa Wembley mwishoni mwa Februari.
Lakini vijana hao wa Eddie Howe walifanya vyema kwenye Uwanja wa St James’ Park siku ya jana, huku Willock na Callum Wilson walipofunga mabao na kuwainua juu ya kikosi cha Erik ten Hag na kushika nafasi ya tatu kwenye Ligi ya Uingereza.
Akizungumza baada ya timu yake kusonga mbele katika nafasi za Ligi ya Mabingwa, Willock alihisi Newcastle walitumia hali ya kukata tamaa ya fainali ya kombe hilo kwa manufaa yao walipolipiza kisasi kwa huzuni hiyo.
Willock aliiambia Sky Sports; “Leo tumecheza vizuri sana, tulistahili ushindi. Tulistahili kupata pointi tatu lakini nahisi tuna deni nao baada ya fainali ya kombe hilo, tulilichukulia kwa uchungu sana, hatukuchukulia poa. Kupoteza fainali ya kombe, inauma sana. Hasira hizo tulizipeleka kwenye mchezo huu leo na tangu mwanzo mchezo unaotawala.”
Bao la Willock liliiweka Newcastle kwenye njia ya kupata ushindi wao wa kwanza wa ligi dhidi ya Mashetani Wekundu tangu Oktoba 2019.
Mchezaji huyo wa zamani wa Arsenal ana imani kuwa timu yake inaweza kuvuka mstari na kumaliza katika nafasi za Ligi ya Mabingwa kwa mara ya kwanza tangu msimu wa 2002-03 chini ya Bobby Robson, huku Opta wakiikadiria kuwa ni asilimia 58.2 ya kumaliza kampeni wakiwa kileleni kwenye nne bora.
Mchezaji huyo aliongeza kwa kusema kuwa anahisi kama lazima waamini wana timu nzuri, kocha mzuri na amzingira mazuri kwa wao wachezaji kufanya kazi kwahivyo anahisi kama hakuna kinachowazuia.
Kocha Howe amesema kuwa jana walistahili ushindi kamili na haukuwa ushindi wa bahati. Anaongeza kusema kuwa anadhani kuwa kitakwimu walikuwa na nguvu sana jana, kwahiyo amefurahishwa sana na wachezaji.
Jitihada za Newcastle za kumaliza katika nafasi nne za juu sasa zinaingia katika hatua muhimu na mechi tatu mfululizo za ugenini zitafuata, ikianza na safari ya kwenda London Stadium kumenyana na West Ham iliyo hatarini kushuka daraja Jumatano.
Howe aliwataka wachezaji wake kuweka umakini wao, akifafanua kuwa hayo yalikuwa maneno yake baada ya mchezo. Wana mechi tatu ndani ya siku sita, lazima waelekeze nguvu kwa West Ham.
“Lakini tuko katika hali nzuri. Ushindi wa tatu mfululizo ni ngumu kufanya katika Ligi Kuu, kwa hivyo tutatarajia michezo hiyo.”
