Mesut Ozil: Mturuki Aliyeipa Heshima Bendera ya Ujerumani

kazitazame tena pasi za mjerumani. Mesut Ozil. Nasema hivi, leo achana na wote, kaitazame tena miguu ya Mturuki. Mesut Ozil. Mtoto fulani kutoka Ujerumani Magharibi. Mwezi mmoja tu baada ya kusheherekea birthday yake ya kwanza. Ukuta wa Berlin ulidondoka. Alikuja na Ujerumani mpya.

Ukawaulize maajabu yake pale Shalke 04 na Werder Bremen. Mimi nitakueleza kuanzia Real Madrid. Usiku ule wa December 11, Messi anavuja jasho pale Camp Nou, anawapiga chenga mabeki wanne na kunyanyua watu jukwaani. Ozil yeye aliwaacha watu wanne akiwa amesimama, pasi yake moja tu miguuni kwa Higuan, iliupita ukuta mzima wa Barca, walibaki wamesimama wanaangalia mpira unapitia hawajui wauzuie vipi.

Ile ndiyo tafsiri ya “playmaker”. Japo mara kadhaa ametumika kama winga, yeye anafurahi zaidi kutumika kama kiungo mchezeshaji. Jim Beglin wa skysports 2010 alisema Ozil amekuja na mpira mpya, Ujerumani walimtumia kama “false winger”, anachukua mpira kutoka kati kukimbilia pembeni. Ile haikuwahi kufanyika duniani.

Ozil ni ndoto ya kila Striker. Jiulize kwanini Rooney alikuwa anamshinikiza babu amsajili. Mourinho aliwahi kusema “Ozil ni wa tofauti sana, hakuna copy yake, hata copy yake mbaya haipo” Jiulize tena, kwanini Ronaldo alikasirika kipindi Ozil anaondoka. Assist 26 kwenye msimu wake wa mwisho na Madrid, 20 zote alizigonga kwa Ronaldo. Hata kama ni mimi nisingeacha mbachao.

Ule mguu wake wa kushoto, umeungana na sehemu ya macho yake. Kwenye ukuta ambao unadhani unapitika kwa chenga, yeye anaweza kuuacha kwa pasi moja tu. Mtakapoziba njia ardhini, yeye atamtafuta Striker wake hewani. Akizubaa anafunga yeye japo hapendi sana. Waulize wabelgiji kwenye EURO 2012 pale Poland & Ukraine .