Farah Kukosa Mbio za Mita 5,000 za Olimpiki, Tokyo.

Bingwa mara nne wa Olimpiki, Mo Farah, amethibitisha kwamba hatakuwa sehemu ya wanariadha watakaonogesha mbio za mita 5,000 kwenye Michezo ya Olimpiki itakayoandaliwa jijini Tokyo, Japan mnamo 2021.

Farah, 37, aliibuka mshindi wa nishani ya dhahabu katika mbio za mita 5,000 na mita 10,000 kwenye Olimpiki za London 2016 na Rio 2016 kabla ya kuelekeza akili yake kwenye mashindano ya marathon.

Hata hivyo, ameeleza kwamba anataka kutetea ufalme wake kwenye mbio za mita 10,000 nchini Japan.

“Naendelea vizuri na maandalizi, ila nadhani muhimu zaidi ni kuwa makini na mbio moja na kuona ni nini ninachoweza kufanya,” alisema Farah.

Akitangaza marejeo yake kwenye mbio za masafa ya kati, Farah alivunja rekodi ya dunia kwa kukimbia umbali wa mita 21,330 chini ya saa moja kwenye kivumbi cha Diamond League kilichoandaliwa jijini Brussels, Ubelgiji mnamo Septemba 4, 2020.

Baada ya ushindi huo, alitawala Nusu Marathon ya Antrim Coast nchini Ireland ya Kaskazini mnamo Septemba 12 na akakaribia kuvunja rekodi yake mwenyewe kwenye mbio hizo za kilomita 21.

“Bila shaka napata motisha sa. Nina kiu ya kupata mataji zaidi,” akasema kwa kufichua kwamba anapania kuweka rekodi ya kuwa mwanariadha wa kwanza katika historia kuibuka mshindi wa medali ya dhahabu katika mbio za mita 10,000 kwenye Olimpiki tatu mfululizo.

“Itakuwa historia japo tayari nimeweka historia katika mbio mbalimbali ambazo nimeshiriki kwenye riadha hadi kufikia sasa. Kwa mfano, nimekuwa Mwingereza wa kwanza kuibuka mshindi wa dhahabu kwenye Olimpiki mbili mfululizo.”

“Lazima niendelee kufurahia ninachokifanya, nikitabasamu na kuona fahari mafanikio yangu. Japo haya ninayoazimia kufanya ni magumu, naamini kwamba hakuna lisilowezekana,” alisema.

Mnamo Februari 2020, Farah ambaye ni Bingwa mara sita wa dunia, alikashifiwa pakubwa kwa uhusiano wake na aliyekuwa kocha wake Alberto Salazar aliyepigwa marufuku kwa kujihusisha na matumizi ya dawa za kusisimua misuli.

Hata hivyo, Farah alisema kwamba kashfa za aina hiyo ni suala la kawaida katika michezo.

SHINDA NA MERIDIANBET!

Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.

Cheza Sasa.