Mshambuliaji wa Liverpool, Mohamed Salah, anatarajiwa kurejea uwanjani kabla ya mwisho wa msimu huu baada ya klabu hiyo kuthibitisha kuwa jeraha lake si kubwa kama ilivyodhaniwa awali.
Salah alitolewa nje wakati wa ushindi wa mabao 3-1 dhidi ya Crystal Palace kufuatia maumivu ya misuli ya paja upande wa nyuma, hali iliyozua hofu kuwa angekosa mechi zilizobaki za msimu.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Awali, mkurugenzi wa timu ya taifa ya Misri, Ibrahim Hassan, alidai kuwa Salah angehitaji wiki nne za matibabu kutokana na jeraha hilo, jambo ambalo lingehitimisha msimu wake mapema.
Hata hivyo, katika taarifa rasmi, Liverpool walisema “Tunaweza kuthibitisha kuwa Mohamed Salah anatarajiwa kuwa tayari kucheza tena kabla ya mwisho wa msimu huu.”
Klabu hiyo iliongeza kuwa “Tatizo lililosababisha atolewe limethibitishwa kuwa jeraha dogo la misuli, na tunatarajia atarejea uwanjani kabla ya kumalizika kwa msimu wa 2025/26.”
Salah, anayejulikana kama “Mfalme wa Misri”, ni wa tatu kwenye orodha ya wafungaji bora wa muda wote wa Liverpool akiwa na mabao 257 katika mechi 440, huku timu hiyo ikiwa nafasi ya nne kwenye msimamo wa Premier League na ikitarajiwa kucheza dhidi ya Manchester United Jumapili.
