Kocha wa Luis Enrique wa Paris Saint-Germain ametoa majibu baada ya timu yake kushinda 2-0 katika uwanja wa Anfield na kusonga mbele kwa ushindi wa jumla wa 4-0 dhidi ya Liverpool kwenye robo fainali ya Ligi ya Mabingwa.
Luis Enrique amekiri kwamba timu yake ya Paris Saint-Germain ilikuwa na bahati kutofungwa na Liverpool, huku ikifanikiwa kufuzu nusu fainali ya Ligi ya Mabingwa.
Ousmane Dembele alifunga mabao mawili ya dakika za mwisho na kuipa timu ya mabingwa ushindi wa 2-0 katika uwanja wa Anfield uliokuwa na mvua Jumanne usiku kwenye mchezo wa marudiano wa robo fainali, na kukamilisha ushindi wa jumla wa mabao 4-0.
Baada ya kipindi cha kwanza kilichokuwa kigumu na cha ushindani mkali, Liverpool walitawala mchezo kwa muda mrefu lakini walishindwa kutumia vyema nafasi walizopata kabla ya bao la kwanza la Ousmane Dembele dakika ya 72 kumaliza kabisa matumaini ya ushindani katika mchezo huo.
Luis Enrique alisema: “Ilkuwa mechi muhimu kwetu, mechi ya kiwango cha juu si tu kwa mashabiki wetu au wa Liverpool bali kwa mashabiki wote. Timu mbili nzuri sana, Liverpool walicheza mchezo wa kuvutia, wenye kasi na nguvu nyingi. Ilikuwa mechi ya ushindani mkali sana.”
