Bruno Fernandes alipewa kadi nyekundu huku Tottenham ikiizidi nguvu Manchester United kwa ushindi wa 3-0 na kuongeza shinikizo kwa kocha Erik ten Hag.
Mchezo wa jana kwenye Uwanja wa Old Trafford ulikuwa fursa kwa timu hizi zinazotarajia kumaliza katika nafasi ya nne bora kuanza upya msimu wao ambao ulikuwa umeanza kwa misukosuko.
Pia meridianbet inatoa michezo ya kasino ya mtandaoni kama vile, Aviator, poker, Roullette, sloti na mingine kibao. Ingia meridianbet na ucheze sasa.
Lakini mwezi ulioanza kwa Manchester United kwa kipigo cha 3-0 nyumbani dhidi ya Liverpool uliishia kwa kipigo kingine katika Old Trafford kwa matokeo hayo hayo, huku Brennan Johnson, Dejan Kulusevski, na Dominic Solanke wakifunga mabao kwa Tottenham.
Kutolewa kwa nahodha Bruno Fernandes kwa rafu aliyomchezea James Maddison mwishoni mwa kipindi cha kwanza kilichokuwa upande mmoja kulizidisha matatizo, na sasa atakosa safari ya wikendi ijayo kwenda Aston Villa pamoja na mechi mbili zaidi.
Kobbie Mainoo na Mason Mount pia walitoka nje kwa majeraha katika siku mbaya kwa Ten Hag, ambaye sasa yuko kwenye uangalizi zaidi huku United ikielekea Porto na Villa Park kabla ya mapumziko ya kimataifa.
Kwa upande wa Ange Postecoglou, walivutia licha ya kukosa huduma ya nyota wao Son Heung-min aliyeumia, na walishinda mechi mbili mfululizo za Ligi Kuu kwa mara ya kwanza tangu Machi.
