Como: "Fabregas ni Kocha wa Kiwango cha Dunia, Tuna Ndoto Zisizo na Mipaka"

Mkurugenzi wa Como, Carlalberto Ludi, amethibitisha kuwa Cesc Fabregas alikuwa mchezaji wa kiwango cha dunia na ni bora zaidi kama kocha akifanya kazi na klabu yenye malengo yasiyo na mipaka.

“Dhamira yetu ni kuendelea kukua, wiki baada ya wiki, kupitia kazi ya Cesc na kikosi mazoezini,” alisema Ludi akizungumza na Sport Mediaset.

Mkurugenzi huyo amesema kuwa hawawezi kujua watafika wapi, lakini malengo ya klabu hiyo hayana mipaka. Wanataka kuendelea kupandisha kiwango kila wakati.

Daima ni tukio maalum Fabregas anapokutana na Antonio Conte, ambaye aliwahi kuwa kocha wake wakati Chelsea iliposhinda Kombe la FA.

Tayari walishakutana mapema msimu huu katika sare ya 0-0 kwenye Uwanja wa Maradona katika Serie A, ambapo Vanja Milinkovic-Savic aliokoa penalti ya Alvaro Morata.

Vilabu vikubwa vinaaminika kuwa vinamfuatilia kocha huyo, hivyo je Como wana wasiwasi kuhusu uwezekano wa Fabregas kupewa ofa?

“Tayari hilo limeshatokea. Cesc alikuwa mchezaji wa kiwango cha dunia na sasa ni bora zaidi kama kocha. Tuko katika kipindi kizuri sana cha ushirikiano, ni nyongeza muhimu kwa sasa na kwa siku za karibu zijazo”. Alisema Ludi.

Como pia wako katika hali nzuri ya mapumziko, kwani mechi yao ya Wiki ya 24 ya Serie A dhidi ya Milan iliahirishwa hadi Februari 18 kutokana na Uwanja wa San Siro kutumika kwa sherehe ya ufunguzi wa Olimpiki ya Majira ya Baridi ya Milano-Cortina.

Tasos Douvikas ameanza akiwa benchi, hivyo inaonekana Nico Paz anaweza kutumika kama False 9, au mbadala wake akawa Jayden Addai.