Diego Simeone anaamini kuwa Real Madrid wanapokea upendeleo kutoka kwa waamuzi baada ya Angel Correa wa Atletico Madrid kutolewa kwa kadi nyekundu wakati wa mchezo wao wa Dabi.
Mechi hiyo ilimalizika kwa sare ya 1-1 huku Alvaro Rodriguez mwenye umri wa miaka 18 akitokea benchi na kufunga bao la kusawazisha dakika za lala salama baada ya Jose Gimenez kuifungia Atletico kwa kichwa.
Licha ya vijana hao wa Simeone kuweka pengo lingine katika matumaini ya wapinzani wao kutwaa ubingwa wa LaLiga, alisikitishwa na kutochukua pointi zote tatu na alionyesha kile anachokiona kuwa upendeleo wa waamuzi dhidi ya Madrid baada ya Correa kutolewa nje kwa kadi nyekundu kwa kumpiga kiwiko kifuani Antonio Rudiger.
Simeone amesema; “Kuwasiliana sio pigo. Kandanda ni mchezo wa kimwili. Kama sijakosea, Rudiger ana urefu wa mita 1.94 na kama ingekuwa pigo la kikatili, ingemwacha ameketi, lakini mara moja anainuka na inaweza kuwa kadi ya njano lakini kumtoa mchezaji kwa ajili hiyo, hakutakuwa na wachezaji waliobaki uwanjani.”
Kutimuliwa kwa Correa ilikuwa ni mara ya tatu kwa Atletico katika mechi tatu walizokutana na Madrid msimu huu baada ya Stefan Savic kupewa kadi nyekundu wakati wa kupoteza 3-1 katika muda wa ziada katika robo fainali ya Copa del Rey na Mario Hermoso kutolewa nje kwa kadi nyekundu katika mechi ya kichapo cha Septemba.
Simeone amesikitishwa na upendeleo kwa vijana wa Carlo Ancelotti, haswa Santiago Bernabeu, akisema: “Katika Kombe la Mfalme, wangeweza kumtoa Dani Ceballos kwa faulo ambayo ilikuwa nyekundu.”
Ameongeza kuwa jana faulo ya Angel wameiona hivyo wote mmeiona, kuna mambo yapo wazi kabisa. VAR inaweza kwenda upande wowote, wakati mwingine kwa niaba yako, wakati mwingine dhidi yako.
“Hata hivyo, kila wakati tunapokuja hapa Bernabeu, inaenda kinyume na sisi.”
Licha ya kumaliza msururu wa mechi nne mfululizo ugenini dhidi ya Madrid bila kufunga bao, Simeone alihisi timu yake ingefaa kuchukua pointi zote tatu, akisema wamebaki na hisia kwamba wangeweza kushinda mchezo.
