Joshua Kimmich ameelezea hisia zake baada ya kuondoka kwa Ujerumani kwa aibu hapo jana katika Kombe la Dunia kama wakati mbaya zaidi katika maisha yake katika mchezo wa jana.
Ujerumani walicheza mchuano wao wa mwisho dhidi ya Costa Rica wakijua kwamba ushindi ungewapeleka katika hatua ya 16 bora kama Japan wangeshindwa kuifunga Hispania, na vijana wa Hansi Flick wakamalizia pambano hilo kwa ushindi wa 4-2.
Ujerumani sasa imeshindwa kusonga mbele zaidi ya hatua ya makundi katika michuano ya Kombe la Dunia mfululizo baada ya kufanya hivyo mara moja kati ya mechi 16 walizocheza hapo awali kwenye michuano hiyo, na kumwacha Kimmich akiwa amechanganyikiwa.
Kimmich amesema kuwa; “Kwangu mimi binafsi, hii ndiyo siku mbaya zaidi katika maisha yangu ya soka. Ninaogopa nitatumbukia kwenye shimo, inakufanya ufikiri kuwa mapungufu haya yameunganishwa na mtu wangu.”
Mchezaji huyo wa Bayern aliendelea kusema kuwa hakika jana ilikuwa siku ngumu zaidi katika maisha yake ya soka, mara ya pli kuondolewa kwenye Kombe la Dunia, kati ya hizo walikuwa na Euro ambapo walitolewa mapema.
Ujerumani ilifika nusu fainali ya mchuano wa kwanza wa Kimmich katika Euro 2016, lakini tangu wakati huo wameangukia kwenye kizingiti cha kwanza kwenye Kombe la Dunia mara mbili na kupokea kichapo cha hatua ya 16 bora dhidi ya Uingereza kwenye Euro 2020.
Huku kiungo mwenzake Kimmich, Ilkay Gundogan, akisema kuwa wanaruhusu mabao kwa urahisi sana, na wanapoteza mipira kwa urahisi sana na mbele wanakosa nafasi za kufunga kwa urahisi.
“Ni kweli, kama Ujerumani, tunapaswa kuwa na matarajio tofauti, kwa hivyo lazima tujiangalie vizuri, hatukuweza kufanya kazi nzuri kama kikundi, au labda kibinafsi. Inabidi tuhoji sababu zilikuwa nini na kila mtu anapaswa kujitazama kwenye kioo na kujiambia kuwa haitoshi.”
