Lautaro: "Inter Hutakati Tamaa, Tunatumia Kichwa na Moyo"

Lautaro Martinez ameisifu Inter Milan kwa ujasiri wao mkubwa baada ya kuiondoa Bayern Munich na kufuzu kwa nusu fainali ya Ligi ya Mabingwa Ulaya dhidi ya Barcelona. “Hatukati tamaa, tuna kichwa na moyo,” alisema mshambuliaji huyo wa Argentina.

Mchuano huo ulikuwa wa ushindani mkubwa katika mechi zote mbili, lakini ushindi wa 2-1 jijini Munich uliwapa faida Inter, kwani sare ya 2-2 kwenye uwanja wa San Siro usiku wa jana ilitosha kuwapa tiketi ya kusonga mbele.

Harry Kane alifungua mabao kwa shuti kali la pembeni lililoibua shambulizi la ghafla kutoka Inter, ambao walijibu ndani ya dakika tisa kupitia mabao ya Lautaro Martinez na Benjamin Pavard yaliyoanzia kona.

Eric Dier alifunga bao la kusawazisha kwa kichwa kutoka pembeni kwa mtindo wa kipekee, lakini Inter walihimili presha hadi dakika ya mwisho na sasa watakutana na Barcelona katika nusu fainali ya Ligi ya Mabingwa.

“Bila shaka ilikuwa mechi ya kipekee na ya kukumbukwa kwa muda mrefu, kwa sababu Inter ina nyoyo kubwa. Kuna kazi kubwa sana na kujitolea katika hatua hii ya kufuzu. Hatukati tamaa, tuna kichwa na moyo. Ni kweli, tuliteseka katika baadhi ya vipindi vya mchezo, lakini tunaweza kulenga mafanikio makubwa.”  alisema Lautaro Martinez kupitia Amazon Prime Video Italia.

Pia meridianbet inatoa michezo ya kasino ya mtandaoni kama vile, Aviator, poker, Roullette, sloti na mingine kibao. Ingia meridianbet na ucheze sasa.

Hii ni mara ya pili kwa Inter kufika nusu fainali ya Ligi ya Mabingwa katika kipindi cha miaka mitatu, baada ya kufika fainali mwaka 2023 na kupoteza dhidi ya Manchester City.

Zaidi ya hayo, Inter bado wana nafasi ya kushinda mataji matatu (Treble), kwani wanaongoza katika Serie A na wanajiandaa kwa nusu fainali ya Kombe la Italia wiki ijayo dhidi ya AC Milan.

“Kila mwaka tunaanza tukiwa na imani kwamba tunaweza kushinda kila kitu, la sivyo tusingekuwa tunacheza mchezo huu. Ninamshukuru kila mtu kwenye benchi la ufundi, wachezaji wenzangu na mashabiki  ambao ni mchezaji wetu wa 12,” aliongeza Lautaro.

Sasa wanakabiliana na Barcelona katika nusu fainali, timu iliyoshinda Borussia Dortmund 4-0 katika mechi ya kwanza ya robo fainali, kabla ya kufungwa 3-1 kwenye marudiano.

Ni wapinzani wakubwa wenye historia kubwa. Tunapaswa kuzingatia mechi inayofuata kwanza, kisha tutaanza kufikiria kuhusu Ligi ya Mabingwa. Alimalizia Luataro.