Southampton wamesema “wamechukizwa na kusikitishwa” na unyanyasaji wa kibaguzi unaomlenga Kyle Walker-Peters kufuatia sare ya bila mabao dhidi ya Manchester United hapo jana.
Beki huyo wa kulia alipokea majibu kadhaa ya kibaguzi baada ya kuchapisha kwenye Instagram kufuatia sare ya hapo jana kwenye uwanja wa Old Trafford.
Southampton imetoa taarifa kulaani unyanyasaji huo, ingawa Walker-Peters hakutajwa moja kwa moja, huku klabu hiyo ikithibitisha kuwa jumbe hizo zilitumwa kwa Polisi wa Hampshire.
Klabu hiyo ya Ligi Kuu ya Uingereza pia ilirejelea tukio kama hilo la miaka miwili iliyopita ambapo sasa mchezaji wa zamani Alexandre Jankewitz alidhalilishwa kwa ubaguzi wa rangi kufuatia mchezo dhidi ya wapinzani hao.
Taarifa hiyo ilisema; “Mnamo Februari 2021 klabu ilitoa taarifa kuhusu mmoja wa wachezaji wetu vijana kupokea unyanyasaji wa rangi baada ya mechi dhidi ya Manchester United. Zaidi ya miaka miwili baadaye, tunajikuta katika hali sawa, kuchukizwa na kukatishwa tamaa na tabia ya wale wanaojihusisha kwa kuwatusi wachezaji kwa rangi ya ngozi zao.”
Kinachokatisha tamaa vile vile ni ukosefu wa hatua za maana katika miaka hiyo miwili kutoka kwa mitandao ya kijamii ambayo inaruhusu chuki kama hiyo kuzaliana na kuongezeka. Walisema Southampton.
“Kama tulivyosema hapo awali, Klabu ya Soka ya Southampton inapambana kila siku kuwaondoa watu kama hao kwenye mchezo wetu na jamii yetu ili kuwalinda wachezaji wetu, wafanyikazi wetu, mashabiki wa Southampton na wapenzi wa mpira wa miguu kote ulimwenguni wanaotambua na kusherehekea utofauti unaofanya kwenye soka.”
Klabu hiyo wanasema wametuma jumbe zinazohusika kwa Polisi wa Hampshire kwa kuzingatia taratibu zao za kawaida wanaposhughulikia kesi hizo na pia wameripoti machapisho hayo kwenye mitandao ya kijamii inayohusika.
Wanaweza tu kutumaini kwamba hatimaye watazingatia kile kinachoendelea kuwa tatizo kubwa na kwamba hawataweza kujikuta wanarudia maneno hayo katika muda wa miaka miwili.
