Havertz Aacha Maswali Mustakabali Wake Arsenal

Arsenal wamejikuta katika wasiwasi mkubwa kuhusu hali ya muda mrefu ya nyota wao Kai Havertz baada ya mshambuliaji huyo kupata tatizo jipya akielekea kupona jeraha lake la goti. Mjerumani huyo alipata tatizo hilo Agosti dhidi ya Manchester United na tangu wakati huo hajaanza tena kikosi cha kwanza, hali inayozua hofu juu ya uimara wake msimu mzima.

Kwa mujibu wa Daily Mail, jeraha la goti la Havertz limejitokeza tena baada ya kurejea uwanjani kufuatia mapumziko marefu. Alirejea kama mchezaji wa akiba katika ushindi wa FA Cup dhidi ya Portsmouth na akapewa dakika nane tu dhidi ya Chelsea kwenye nusu fainali ya Carabao Cup. 

Kutokumuona Havertz akitumika hata kama mchezaji wa akiba dhidi ya AC Milan kwenye Ligi ya Mabingwa kuliwashangaza mashabiki wengi, lakini ukweli ni kwamba bado hajafikia asilimia 100 ya utimamu. Arsenal wana hofu kuwa hali yake itahitaji usimamizi wa dakika kwa muda mrefu zaidi, huenda hadi msimu ujao, huku akitarajiwa kupewa muda mdogo wa kucheza katika wiki zijazo.

Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa

Licha ya changamoto hiyo, Arteta bado ana imani na ubora wa Havertz. “Anafanya mazoezi vizuri, ameongeza kiasi cha mazoezi na anaendelea vyema. Atakuwa tayari wakati sahihi ukifika,” alisema kocha huyo, akisisitiza pia kuwa matarajio kwa wachezaji wa Arsenal ni ubora wa hali ya juu kila wakati, na Havertz analifahamu hilo.

Ingawa kwa sasa Arsenal wana majeruhi wachache waliothibitishwa, msimu huu umekuwa mgumu kwa upande wa afya ya wachezaji wa kikosi cha kwanza. Arteta aliwahi kukiri kuwa mzigo wa mechi na uhaba wa wachezaji unazalisha hatari kubwa ya majeraha.