Gabriel Jesus Nje Wiki 3 Manchester City.

Mshambuliaji Gabriel Jesus wa Manchester City atasalia nje kwa majuma matatu kuuguza jeraha la mguu alilolipata katika mechi ya Ligi Kuu ya Uingereza (EPL) iliyowakutanisha na Wolves uwanjani Molineux mnamo Septemba 21, 2020.

Shirikisho la Soka la Brazil limethibitisha kwamba Gabriel Jesus, 23, ameondolewa kwenye kikosi cha Brazil kilichotazamiwa kuvaana na Bolivia na Peru kwenye mechi zijazo za kufuzu kwa Copa America 2021.

Licha ya kupata jeraha katika dakika ya 66 wakati akichezea City dhidi ya Wolves, Jesus alisalia uwanjani kwa kipindi kizima cha dakika 90 na akafunga bao katika ushindi wa 3-1 waliouvuna.

Kuumia kwa Gabriel Jesus ni pigo kubwa kwa City ambao pia watakosa huduma za mshambuliaji Sergio Aguero kwa kipindi cha majuma saba yajayo kwa sababu ya jeraha la goti.

“Manchester City waliwasiliana na daktari wa timu ya taifa ya Brazil, Rodrigo Lasmar, na kumfahamisha kuhusu ukubwa wa kiwango cha jeraha linalouguzwa na Jesus,” ikasema sehemu ya taarifa ya Shirikisho la Soka la Brazil (CBF).

Brazil watavaana na Bolivia mnamo Oktoba 9, 2020, kabla ya kushuka dimbani kupepetana na Peru mnamo Oktoba 13, 2020.

Manchester City watakuwa wenyeji wa Leicester City katika mchezo wa Ligi ya EPL utakaochezwa uwanjani Etihad.

Manchester City inatarajiwa kuendeleza rekodi nzuri ambayo imewashuhudia wakiibuka na ushindi katika mechi 10 na kuambulia sare mara moja katika jumla ya michuano 11 iliyopita uwanjani Etihad.

Tangu 1989-90, Manchester City hawajapoteza shindano lolote la mwanzo wa msimu uwanjani Etihad. Hiyo ni rekodi waliyoiendeleza mnamo Septemba 24, 2020 kwa kuwabandua Bournemouth kwenye raundi ya tatu ya Carabao Cup kwa kichapo cha 2-1.

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa