Manchester City wamekamilisha usajili wa Matheus Nunes kutoka Wolves kwa mkataba wa miaka mitano.
Kiungo huyo mwenye umri wa miaka 25, anakuwa mchezaji wa nne kuongezwa kwa City msimu huu wa joto, akiwafuata Mateo Kovacic, Josko Gvardiol na Jeremy Doku kupitia mlango wa Etihad.
Nunes aliambia tovuti rasmi ya Citizens: “Nina furaha sana kujiunga na Manchester City, mabingwa wa Ulaya na klabu ambayo nimekuwa nikiipenda kwa muda mrefu. Nafasi ya kufanya kazi chini ya Pep Guardiola, mmoja wa mameneja bora zaidi kuwahi kutokea, na pamoja na baadhi ya wachezaji bora zaidi duniani ilikuwa kitu ambacho singeweza kukataa.”
Nunez amesema kuwa amejifunza mengi sana katika msimu wake wa Wolves na anafuraha kuendelea kuimarika katika Ligi Kuu, kitengo ambacho kinamletea matokeo bora zaidi.
Aliongeza kuwa amefurahi sana kwenda, kukutana na mashabiki na anatumai kuwa sehemu ya mafanikio mengi zaidi katika City.
Mkurugenzi wa kandanda wa City Txiki Begiristain aliongeza: “Matheus ni mchezaji mzuri. Tuna furaha sana yuko hapa, na tunajua atatusaidia msimu huu na kuendelea. Ana ubora wa kweli na ataleta nguvu mpya kwenye timu hii. Ni mchezaji anayeweza kucheza pasi zenye ulinzi wa wazi, anaweza kuwashinda wachezaji na ni bora kiufundi.”
Kila mtu anajua Pep anaboresha wachezaji, tumeona mara nyingi, na hatuwezi kusubiri kuona jinsi Matheus anavyoendelea chini ya usimamizi wake. Alimaliza hivyo.
Guardiola alimwita Nunes mmoja wa wachezaji bora zaidi duniani mnamo Februari 2022 wakati mchezaji huyo wa kimataifa mwenye mechi 11 alipokuwa Sporting na wawili hao sasa wataungana kama City ikilenga kutetea mataji yao ya Ligi Kuu, Ligi ya Mabingwa na Kombe la FA.
Nunes alifunga bao moja na kusaidia jingine kwa Wolves msimu uliopita na atatumai kuchukua nafasi ya Ilkay Gundogan, ambaye amekwenda Barcelona, na Kevin De Bruyne aliyejeruhiwa.
