Mchezaji wa Bayern Munich Eric Maxim Choupo-Moting amejizolea sifa kemkem kutoka kwa kocha wake, Julian Nagelsmann baada ya kucheza kwa kiwango bora hapo jana kwenye mchezo wao dhidi ya Freiburg uliomalizika kwa Mabavaria hao kushinda kwa mabao 5-0.
Wakikabiliana na timu ambayo haikufungwa katika mechi 11 zilizopita, Bayern waliwatenganisha Freiburg huku Choupo-Moting akiongoza mashambulizi, akimaliza kwa bao moja na asisti moja katika juhudi zake.
Mchezaji huyo wa zamani wa Mainz, Schalke na Paris Saint-Germain alicheza kwa dakika 66 hadi Jamal Musiala alipoingia badala yake.
Ilikuwa ni mechi ya kwanza kwa Choupo-Moting mwenye umri wa miaka 33 katika kikosi cha kwanza cha Bayern msimu huu. Kufikia wakati anaondoka uwanjani, mchezaji huyo wa Kimataifa wa Cameroon alikuwa amemshawishi kocha Nagelsmann kwamba kunaweza kuwa na nafasi nyingi zaidi za kuanza kwake msimu huu.
Nagelsmann amesema kuwa Choupo alifanya vizuri sana na alileta mafanikio yake katika mzoezi ndani ya uwanja na hakika alistahili kucheza mapema kidogo labda katika hatua fulani.
“Nina furaha sana kuwa naye. Tunajua tunaweza kumtegemea Choupo. Alipata bao kubwa. Ni mchezaji mzuri pande zote. Tuna furaha kuwa tunaye.”
Mshambuliaji huyo aliiambia DAZN: “Ninajaribu kukanyaga gesi kila siku kwenye mazoezi na wachezaji wenzangu wanaliona hilo. Najua ninachoweza kufanya na ninaweza kuisaidia timu. “Julian anajua kwamba naona hivyo na nilimwambia hivyo. Ni vizuri kwamba ilifanikiwa na bila shaka nataka kuendelea kucheza sana na kuwa na mafanikio na timu.”
Bayern waliingia uwanjani wakiwa na ushindi mmoja pekee katika mechi sita zilizopita za Bundesliga, nne kati yao zikiisha kwa sare huku Mkurugenzi Mtendaji wa klabu hiyo akidai matokeo bora na Bayern wamekubali ombi hilo la kuhamia nafasi ya pili kwenye Bundesliga wakiwa pointi nne nyuma ya vinara wa msimamo Union Berlin.
Nagelsmann amesema kuwa amefurahishwa na matokeo ya pointi tatu huku akisema kuwa kulikuwa na presha kabla ya mchezo kwasababu Freiburg wana mafanikio na wachezaji wazuri wa soka akiongelea kuwa Freiburg wanastahili kuwa pale walipo kwani wanacheza vizuri sana.
