Wayne Rooney, ambaye ni nahodha wa zamani wa Uingereza na Manchester United, amesema mashabiki wa Arsenal “wanahitaji kuwa bora zaidi” katika kuonyesha sapoti kwa timu yao katika mbio zao za ubingwa wa EPL zinazoyumba.
Arsenal walipata pigo katika matumaini yao ya kutwaa taji lao la kwanza la ligi baada ya miaka 22 walipofungwa 2-1 na Manchester City jana .
Matokeo hayo yanaifanya City kuwa pointi tatu nyuma ya Arsenal na wanaweza kupanda juu yao iwapo watashinda dhidi ya Burnley katikati ya wiki.
Arsenal walikosa bahati kupata matokeo dhidi ya City, lakini wamekuwa wakipitia kipindi cha kuyumba kwa kiwango, na kulikuwa na makelele ya kutoridhika (boos) baada ya kipigo cha 2-1 nyumbani dhidi ya AFC Bournemouth tarehe 11 Aprili.
Rooney alisema kwenye “Wayne Rooney Show”: “Nadhani mashabiki wa Arsenal wanahitaji kuwa bora zaidi. Niliwaona wakipiga kelele za kutoridhika siku nyingine (dhidi ya Bournemouth). Arsenal wamekuwa wazuri msimu wote na sasa wamepata kipindi kifupi cha matokeo mabaya.”
Wanapaswa kuelewa umuhimu wa sapoti ya mashabiki kwa wachezaji na jinsi inavyoweza kusaidia sana. Wachezaji hufanya kazi kubwa kila siku mazoezini ili wafike kwenye nafasi walizopo sasa, hivyo unapopoteza na kupigiwa kelele, inaweza kuwaathiri.
Nafikiri ili Arsenal washinde ligi, mashabiki wa Arsenal pia wana jukumu lao.”
Je Man City sasa ndio wanaopewa nafasi kubwa ya kutwaa ubingwa baada ya ushindi wao dhidi ya Arsenal?
Arteta lazima athibitishe kuwa hatakumbukwa kama ‘mwenye karibu lakini hajawahi kushinda’ wa Arsenal.
Je ukosefu wa mshambuliaji mwenye ukali wa kumaliza mechi utawagharimu Arsenal ubingwa?
Arsenal wamesalia na mechi tano kujaribu kuzuia kasi ya Manchester City na kushinda taji.
Gunners wamewahi kuwa katika nafasi kama hii kabla lakini wakashindwa kutwaa ubingwa. Msimu wa 2022–23 walikuwa kileleni kwa siku 248 lakini wakamaliza nafasi ya pili.
Makosa ya nyuma yanaweza kuwa yanawaathiri mashabiki wa Arsenal baada ya kipigo dhidi ya City, lakini Rooney anasema sapoti ya mashabiki ni muhimu kuwasaidia kumaliza mbio hizi vizuri.
“Bila shaka wanataka kushinda ligi na wanaitamani sana, lakini lazima waelewe wana jukumu lao pia. Ikiwa utaangalia Manchester United kwa mfano, walipitia nyakati ngumu lakini mashabiki walibaki nyuma ya kocha na timu. Walikuwa wakiimba na kuisapoti timu, na mara chache sana walikuwa wakiipigia kelele za kutoridhika.”Aliongeza.
Arsenal wamekuwa kileleni msimu mzima, wako nusu fainali ya UEFA Champions League, halafu wakifungwa na Bournemouth wanapigiwa kelele?
Mashabiki wanahitaji kuwa bora zaidi kwa wachezaji na kuwasaidia zaidi, kwa sababu hilo linaumiza wachezaji wa Arsenal, asilimia mia moja.
