Font Amwonya Deco, Aeleza Mpango Wake Kabla ya Uchaguzi

Mgombea urais wa Barcelona, Victor Font, ametoa onyo kali kwa Mkurugenzi wa Michezo wa klabu hiyo, Deco, akisema kuwa atamwondoa kwenye nafasi yake endapo atashinda uchaguzi ujao na kumng’oa Joan Laporta madarakani.

Font ameweka wazi kuwa hana mpango wa kuendelea kufanya kazi na Deco, ingawa ameonesha nia ya kumbakiza kocha wa kikosi cha kwanza, Hansi Flick, endapo atapewa dhamana ya kuiongoza klabu hiyo.

Barcelona kwa sasa inajiandaa na uchaguzi wa urais utakaofanyika mwezi ujao. Laporta anawania tena nafasi hiyo, huku Font, Marc Ciria, Xavier Vilajoana na Joan Camprubi nao wakithibitisha kuwania. Laporta alichaguliwa kwa mara ya pili mwaka 2021 baada ya kupata asilimia 54 ya kura, akiwashinda Font na Toni Freixa.

Akizungumza na RAC1, Laporta alisema anaamini anastahili kuendelea kuiongoza klabu hiyo, akisisitiza kuwa mwaka huu umekuwa wa kurejesha hadhi ya Barcelona. Alidai kuwa uongozi wake umekabiliana na changamoto kubwa, ikiwemo kampeni za kuidhoofisha taasisi pamoja na vikwazo vya usajili wa wachezaji.

Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa

Kwa upande mwingine, Font pia alizungumzia mustakabali wa nyota wa zamani wa klabu hiyo, Lionel Messi. Mgombea huyo amesema kuwa Messi atakuwa mtu wa kwanza kumpigia simu endapo atashinda uchaguzi, akibainisha kuwa tayari amewasiliana na watu wa karibu wa mchezaji huyo.

Font alisisitiza kuwa hatatumia jina la Messi kama chombo cha kampeni, akimtuhumu Laporta kwa kufanya hivyo hapo awali. Aidha, alidokeza kuwa kurejea kwa Messi Barcelona kunaonekana kuwa vigumu chini ya uongozi wa sasa wa Laporta.

Uchaguzi huo unatarajiwa kuwa na ushindani mkali, huku mustakabali wa uongozi na mwelekeo wa Barcelona ukiwa mikononi mwa wanachama wake.