Uongozi wa Klabu ya Yanga umeweka wazi kuwa wachezaji wake wanapaswa kupigana kiume ili kuhakikisha wanavuna alama 12 katika michezo minne mfululizo ya Ligi Kuu Tanzania Bara, ambayo watacheza mfululizo kuanzia kesho wakiwa ugenini hadi ule na Azam FC.
Mabosi hao wamekiri kuwa siyo kazi rahisi na kuna changamoto kubwa kufikia matarajio hayo na ni changamoto kubwa, lakini ni muhimu kushinda mechi hizo zote ili kuwa kwenye nafasi nzuri zaidi kwenye msimamo wa ligi.
Yanga, mchezo wao wa kwanza ni kesho ugenini dhidi ya Tanzania Prisons utakaochezwa kwenye Uwanja wa Jamhuri Dodoma, baada ya mvutano mkubwa kutoka kuchezwa katika dimba la Al Hassan Mwinyi, Tabora. Baada ya mechi hiyo, kikosi cha Yanga kitarudi Dar es Salaam Machi 15, ambapo watakutana na Azam FC katika Uwanja wa Benjamin Mkapa. Dar es Salaam Derby hii inatarajiwa kuwa na ushindani mkali, huku kila timu ikitafuta alama muhimu za msimu.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Baada ya mchezo dhidi ya Azam FC, Yanga watarudi Arusha kucheza na TRA United Machi 18, kisha kisha kuendelea na Mtibwa Sugar Machi 21. Mpangilio huu mgumu unahitaji maandalizi makini, kwani kila mchezo unaathiri moja kwa moja nafasi ya timu kwenye msimamo wa ligi.
Ofisa Habari wa Yanga, Ali Kamwe, amesema kikosi kiko katika maandalizi ya kina kuhakikisha wanakabiliana na changamoto hizo na kufanikisha malengo ya timu. Maandalizi haya ni sehemu ya kuhakikisha wachezaji wako katika kiwango bora kabla ya kuanza mzunguko mgumu wa michezo.
“Baada ya mechi ya Tanzania Prisons, wachezaji walipewa mapumziko madogo, na leo wanarejea kambini kuanza ratiba yetu ya maandalizi. Tuna mechi ngumu mbele yetu, Tanzania Prisons, Azam FC na TRA United, na tunaenda kupambana ili tusipoteze pointi,” amesema Kamwe.
