United na Madrid Wapigana Vikumbo Kuwania Saini ya Milan

Manchester United wako tayari kuongeza juhudi zao za kumnasa beki wa Inter Milan, Milan Skriniar baada ya Waitaliano hao kuthibitisha kuwa mchezaji huyo anaweza kuondoka msimu huu wa joto.

Lakini wanakabiliwa na upinzani kutoka Real Madrid, ambao pia wana hamu ya kumsajili Mslovakian huyo aliye kwenye kiwango cha juu huko Serie A, Madrid wanatafuta mrithi wa muda mrefu kwa Sergio Ramos.

Inter wanaripotiwa kutaka ada ya karibu pauni milioni 52.5, ingawa hakuna klabu ambayo imeonyesha nia ya kulipa zaidi ya pauni 40m. Manchester City pia wameangalia harakati za Skriniar na Barcelona pia wamehusishwa na mchezaji huyo. Lakini ni United na Real ambao ndio vinara kuwania saini yake.

Mkataba wake huko San Siro unaendelea hadi Juni 2023 baada ya kusaini mkataba mpya wa miaka minne msimu uliopita, lakini Inter wameamua kupata pesa ikiwa wanaweza.

Skriniar, amecheza mara 31 kwa timu yake ya taifa Slovakia, alianza kuichezea Zilina ya nchini mwake kabla ya kujiunga na Sampdoria kwa ada ya pauni 4.5m mnamo Januari 2016.

Alikaa miezi 18 na Sampdoria kabla ya uhamisho wa pauni 30m kwenda Inter uliomfanya kuwa Mchezaji ghali zaidi kwa Kislovakia kwenye historia.