De Gea Ajikingia Kifua

Kufuatia kuwa na msimu wenye maneno mengi kumuhusu kipa wa Manchester United – David De Gea, sasa ameamua kujikingia kifua na kuweka wazi lengo lake la kuipigania jezi namba 1.

Kwa misimu miwili iliyopita, De Gea anaonekana kushuka kiwango kwa kufanya makosa kadhaa ambayo yameigharimu timu kwa kiasi kikubwa. Inakumbukwa mechi ya nusu fainali ya Kombe la FA dhidi ya Chelsea, De Gea alifanya makosa mawili yaliyopekea kufungwa magoli mawili.

Wadau mbalimbali wa mchezo wa soka wamekuwa wakielezea hisia zao kuhusu kiwango cha De Gea,wengi wao wamekuwa wakimtaka Ole Gunnar Solskjaer kufanya maamuzi ya haraka na kumkabidhi mikoba kipa chipukizi Dean Henderson.

De Gea amenukuliwa akisema ” Ninajiamini, nimekuwa nikionesha ubora wangu kwa miaka mingi na hivyo muda wote ninapatikana kama kocha akinihitaji. Nipo tayari kucheza muda wowote na kuisaidia timu kama kawaida.”

Akizungumzia Mashindano ya Europa, De Gea amesema ” nadhani kiwango chetu kimeongezeka msimu huu. Tulikuwa tumezidiwa pointi 14 na timu iliyokuwa nafasi ya 3 kwenye Msimamo wa EPL lakini mwisho wa siku tumemaliza katika nafasi ya 3.

“Nadhani tumecheza vizuri kwenye michezo mingi. Kusema ukweli, tulistahili kucheza fainali. Pengine tulihitaji uzoefu zaidi kwenye kikosi na kutumia nafasi za kufunga tulizozipata. Tutaendelea kuongeza kiwango na kuipigania timu  pamoja na kushinda mataji msimu ujao.”

Baada ya kumaliza msimu kwa kutolewa kwenye nusu fainali ya Michuano ya Europa. Wachezaji wa Manchester United wamepatiwa likizo ya wiki 2 kabla hawajarudi tena kwenye mazoezi kwa ajili ya kujiandaa na msimu ujao.

Drops and Wins!

Umeijua hii? Ni promosheni kabambe ya ushindi kwenye Casino ya mtandaoni ya Meridianbet! Unaweza kushinda hadi Euro 2,000,000 leo.

Soma zaidi ucheze