Runnarsson Atua Arsenal Kuziba Pengo la Martinez.

Arsenal wamejinasia huduma za kipa raia wa Iceland Runar Alex Runnarsson ambaye ametia saini mkataba wa miaka minne kutoka katika klabu ya Dijon nchini Ufaransa.

Runnarsson, 25, amesajiliwa na Arsenal ili awe kipa chaguo la pili baada ya kuondoka kwa Emiliano Martinez aliyejiunga na Aston Villa na kumwacha Bernd Leno ambaye amekuwa akitegemewa zaidi na kocha Mikel Arteta.

Runnarsson alijiunga na Dijon ya Ligu Kuu ya Ufaransa (Ligue 1) mnamo Julai 2018 na akikitumikia kikosi hicho.

“Nimefurahi sana kutia saini mkataba wa muda mrefu na Arsenal. Hizi ni habari njema kwangu na familia yangu nzima,” akatanguliza Runnarsson.

“Najua ninasubiriwa na kibarua kigumu hapa Emirates, lakini nitajitahidi kujituma kwa kadri ya uwezo wangu ili nijivunia muda wa kutosha wa kuwasaidia Arsenal,” akasema.

Kocha Mikel Arteta wa Arsenal alisema: “Tunataka kuleta ushindani unaotakiwa hapa Emirates. Naamini kwamba ujio wa Alex utaimarisha zaidi uthabiti wa idara hiyo.”

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa