Boateng Atua Monza Akitokea Fiorentina.

Kiungo wa zamani wa Barcelona na AC Milan, Kevin-Prince Boateng ameagana rasmi na Fiorentina na kujiunga na kikosi cha Monza kinachoshiriki Ligi ya Daraja la Kwanza nchini Italia (Serie B).

Nyota huyo mwenye umri wa 33 atakuwa huru kurefusha muda wa kuhudumu kwake kambini mwa Monza kwa mwaka mmoja zaidi baada ya mkataba wa sasa kukamilika Juni 2021.

Boateng ambaye ni mzawa wa Ujerumani na raia wa Ghana, alivalia jezi za Besiktas ya Uturuki kwa nusu ya kampeni zote za msimu uliopita wa 2019-20.

Kwa kuingia katika sajili rasmi ya Monza, Kiungo huyo ambaye pia amewahi kucheza Tottenham Hotspur, Portsmounth na Schalke, anaungana sasa na mmiliki wa zamani wa AC Milan, Silvio Berlusconi.

Akiwa AC Milan, Boateng aliwaongoza kutwaa taji la Serie A huku Berlusconi Adriano Galliani ambaye kwa sasa ni mwenyekiti wa Monza wakiwa vinara wakuu wa Milan.

Kevin-Prince ni kakaye mkubwa beki matata wa Bayern Munich na timu ya taifa ya Ujerumani, Jerome Boateng.

Beti kwa Kitochi Kushinda 300,000,000!

Unajua kuwa unaweza kushinda milioni mia tatu kwa buku tu? Ndiyo! Unaweza kushinda kwa kupiga *149*10# na kubashiri. Ingia mchezoni!

Soma Zaidi