Kocha wa Manchester City Pep Guardiola, amewataka wachezaji wake kuonyesha ubora wao watakapovaana na Real Madrid CF katika mchezo wa kwanza wa hatua ya 16 bora ya UEFA Champions League utakaochezwa Jumatano katika Uwanja wa Santiago Bernabéu Stadium. Guardiola amesema safari hii kikosi chake kipo katika hali nzuri zaidi ukilinganisha na msimu uliopita walipokumbwa na majeraha mengi.
Guardiola alieleza kuwa msimu uliopita walifika katika mchezo huo wakiwa na uchovu mkubwa pamoja na idadi ndogo ya wachezaji waliokuwa fiti. Hata hivyo, safari hii anaamini timu yake ipo tayari kupambana na mabingwa hao wa Ulaya katika uwanja wao wa nyumbani.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
“Tunafika tukiwa katika hali nzuri zaidi kwa sababu tuna kikosi kamili, Msimu uliopita tulifika tukiwa na uchovu mkubwa na wachezaji wachache waliokuwa tayari kucheza.”
City pia imepata nguvu baada ya kurejea kwa mshambuliaji wao hatari Erling Haaland ambaye hakushiriki ushindi wa mabao 3-1 walioupata dhidi ya Newcastle United FC katika hatua ya tano ya FA Cup mwishoni mwa wiki. Guardiola alisema kuwa uwepo wa wachezaji wengi walio fiti unawapa nafasi nzuri ya kufanya mabadiliko ya kikosi.
“Kesho tunacheza wachezaji 11 dhidi ya 11. Unapokuwa na kikosi kamili na unacheza mashindano mengi, ni vizuri kubadilisha wachezaji ili kuwa na miguu na akili mpya,” aliongeza Guardiola.
Wachezaji wapya waliosajiliwa mwezi Januari, Antoine Semenyo na Marc Guéhi, wanatarajiwa kupata nafasi ya kucheza kwa mara ya kwanza katika Ligi ya Mabingwa Ulaya. Guardiola anaamini uzoefu huo utawasaidia kwa maendeleo ya baadaye ya klabu hiyo.
“Kadri wanavyoanza mapema kuishi katika hali kama hizi, ndivyo itakavyokuwa bora kwa mustakabali wa klabu hii,” alisema.
Guardiola alikiri kuwa kucheza dhidi ya Real Madrid katika uwanja wao ni changamoto kubwa, lakini aliwataka wachezaji wake kuonyesha heshima kwa wapinzani huku wakiwa na kujiamini. “Unapaswa kumheshimu mpinzani, lakini pia umtazame machoni na kusema, ‘Hivi ndivyo tulivyo kama timu.’ Tunataka kusonga mbele na tutafanya kila kitu kuhakikisha tunafanikiwa,” alisema.
Kwa upande wake, kipa wa City Gianluigi Donnarumma amesema mashindano ya Ligi ya Mabingwa mwaka huu yana ushindani mkubwa na yanaweza kushindwa na timu yoyote. “Kuna timu nyingi zenye nguvu zinazoweza kufika fainali. Katika Ligi ya Mabingwa, maelezo madogo sana yanaweza kuamua nani ataendelea na nani ataondoka,” alisema.
