Mshambuliaji wa England, Marcus Rashford, anaripotiwa kubaki mtulivu huku klabu ya FC Barcelona ikifikiria upya masharti ya uhamisho wake wa kudumu kutoka Manchester United.
Rashford, ambaye yuko kwa mkopo Barcelona msimu huu, ana kipengele kinachoruhusu kusajiliwa moja kwa moja kwa ada ya euro milioni 30 (£26m). Hata hivyo, taarifa zinaeleza kuwa Barcelona wanataka kujadili upya makubaliano hayo ili kuongeza muda wa mkopo kwa miezi 12 zaidi badala ya kumnunua moja kwa moja.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Kwa mujibu wa taarifa, mchezaji huyo anaelewa mipango ya Barcelona lakini hajaonyesha dalili za wasiwasi kuhusu hali hiyo.“Rashford yupo tulivu na ana imani kuwa suluhisho litapatikana kati ya pande zote mbili,” chanzo kimeeleza, kikiongeza kuwa mshambuliaji huyo anafurahia maisha yake ndani ya kikosi hicho cha Hispania.
Mchezaji huyo pia ana hamu ya kuendelea kubaki Barcelona kwa muda mrefu, akiamini mustakabali wake unaweza kuendelea kujengwa ndani ya klabu hiyo.
Rashford aliendelea kuonyesha kiwango kizuri baada ya kufunga bao katika ushindi wa mabao 2-0 dhidi ya Getafe CF, matokeo yaliyoiimarisha Barcelona kileleni mwa msimamo wa La Liga.
