Baada ya kupata sare ya bao 1-1 dhidi ya Kagera Sugar jana jumatano, Kocha Mkuu wa Simba amesema wanaenda kuyafanyia kazi mapungufu yaliyopo kwenye kikosi mara baada ya kurejea mazoezini.
Kikosi cha Simba leo kimeondoka Bukoba kuelekea mkoani Mwanza kwa ajili ya kujiandaa na mchezo wa ligi dhidi ya KMC ambao utapigwa kwenye Uwanja wa CCM Kirumba, Mwanza.
Akizungumzia mipango yao, Mgunda amesema “Ni kweli tumepoteza pointi mbili tukiwa ugenini tumefanya kosa moja la kutokuwa makini na wenzetu wamelitumia.
“Tuna siku kadhaa za kujiandaa na mchezo ujao dhidi ya KMC hivyo tunaenda kurekebisha yale mapungufu yaliyojitokeza kwenye mchezo wa jana.”
