Alisson; "Liverpool Ipo Kwenye Njia Sahihi"

Golikipa wa Liverpool na timu ya taifa ya Brazil – Alisson Becker, amenukuliwa akisema timu yao ipo katika njia sahihi baada ya ushindi dhidi ya Chelsea wikiendi iliyopita.

Liverpool ambao waliutwaa ubingwa wa EPL msimu uliopita wakiwa na mechi 7 mkononi, walionekana kushuka kiwango katika mechi zao za mwisho. Vijana wa Jurgen Klopp waliambulia ushindi katika michezo 5 pekee kati ya 9 ya mwisho.

Akifanya mahojiano na Sky Sports, Alisson amesema, ” tunajua tulishuka kiasi fulani, hatufahamu kwanini.

“Sio kitu ambacho tulitaka kiwe vile lakini tulifahamu kama tunapaswa kurudi kwenye kiwango thabiti ili tuendelee kuwa washindani na kutetea taji. Tunafahamu msimu huu, ushindani utakuwa mkubwa zaidi.

“Ni mwanzo mwa msimu, tulikuwa na mchezo mgumu dhidi ya Leeds. Ulikuwa ni mchezo ambao chochote. Ulikuwa ni mchezo wa kuvutia kwe yeyote aliyeangalia lakini kwetu ulikuwa ni mchezo mgumu.

“Baada ya mchezo ule, tuliwafata Chelsea, ni wapinzani wagumu na tulihitaji utulivu wa akili zaidi. Nilipendezwa na changamoto tuliyokutana nayo, tulijitahidi kujilinda na kutumia nafasi tulizozipata.

“Lakini nilichokipenda zaidi ni mtizamo wetu kwenye ule mchezo, tupo kwenye njia sahihi.”

Liverpool watakuwa uwanjani wikiendi hii kuwakaribisha Arsenal. Alisson anatarajia kuendelea kuwa golini kupambana na mashambulizi ya Arsenal.

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa