Kagere: Fundi wa Kupachika Mabao -VPL

Mshambuliaji wa Wekundu wa Msimbazi Simba – Meddie Kagere ameongelea namna alivyoweza kufunga magoli zaidi ya 20 kwa misimu miwili mfululizo.

Itakumbukwa kwamba, Kagere alisajiliwa msimu uliopita (2018-19) akitokea timu ya Gor Mahia inayoshiriki ligi kuu soka nchini Kenya. Katika msimu huo alipachika (Kagere) magoli 23 ya Ligi Kuu Tanzania – VPL na kubeba kiatu cha mfungaji bora.

Kwa msimu huu pekee, Kagere ameshapachika magoli 22 wakati Simba wakiwa na mechi mbili mkononi kabla ya kuhitimisha msimu huu. Kuna kina dalili kwamba mshambuliaji huyu anaweza kufunga magoli zaidi ya aliyofunga msimu uliopita (23).

Akiongelea uwezo wake. Meddie Kagere amesema, ” ninafanya bidii bila kukata tamaa katika kufunga magoli. Huwa ninamuomba Mungu aniongoze katika lolote ninalolifanya. Pia uhusiano wenu katika timu, tunacheza kama timu tukisaidiana kila mmoja. Hii inanisaidia sana mimi kufunga magoli kwani tunacheza kitimu zaidi”

Simba SC ambao tayari wameshatangazwa kama mabingwa wa Ligi Kuu Tanzania -VPL wanapointi 84 wakiwa na magoli 76. Kuelekea mwisho wa msimu huu wa Ligi Kuu, Simba atakutana na Coastal Union pamoja na Polisi Tanzania.