Baada ya kuachana na Simba SC, aliyekuwa Kocha Mkuu Didier Gomes, amesema klabu hiyo itabaki moyoni mwake na ataendelea kuishabikia kutokana na ushirikiano mkubwa alioupata muda wote aliokuwapo.
Gomes amesema ataendelea kuiunga mkono timu katika michuano yote na anaitakia kila la kheri katika maisha mapya bila yeye.
Gomes pia amemshukuru Mwekezaji Mohamed Dewji ‘Mo’ kwa ukishiriakiano mkubwa aliompa, Mtendaji Mkuu Barbara Gonzalez, wachezaji, benchi la ufundi na mashabiki kwa sapoti kubwa waliyompa.
“Napaswa kuwajibika kwa matokeo ya Jumapili, tayari tulikuwa mbele kwa mabao matatu wakati tumebakiwa na dakika 45 tu lakini kitendo cha wapinzani kusawazisha na kututoa ni suala lisilovumilika na nimeamua kuwajibika.
“Simba inabaki kuwa familia yangu, tumepata mataji mawili pamoja, Ligi Kuu na Azam Sports Federation Cup, kwa ukaribu na maisha tuliyoishi nabaki kuwa shabiki namba moja na ninaitakia kila la heri,” amesema Gomes.
Mchongo wa mkwanja mrefu kutoka kasino bora za mtandaoni za Meridianbet. Mchezo wa Circus Fever unakuweka katika nafasi nzuri ya kuwa mshindi. Furahia kasino maridhawa kutoka nyumba ya mabingwa meridianbettz.
CHEZA HAPA
