Mchezaji wa Manchester City Ilkay Gundogan amesema kuwa mchezaji mwenzake mwenye kiwango bora Erling Haaland anaweza kuwa mshindani wa baadaye kushinda Ballon d’Or.
Tangu ajiunge na City akitokea Borussia Dortmund mwezi Juni, Haaland amefunga mabao 20 katika mechi 13 na kuwa mchezaji wa kwanza katika historia ya Primia Ligi kufunga hat-trick katika mechi tatu mfululizo za nyumbani, ya mwisho ikiwa dhidi ya wapinzani wao Manchester United katika mechi 6- 3 kupiga.
Mchezaji huyo mwenye umri wa miaka 22 alikuwa wa 10 katika viwango vya Ballon d’Or 2022 huku nahodha wa Real Madrid Karim Benzema akitajwa kuwa mchezaji bora zaidi Duniani kwa mara ya kwanza siku ya Jumatatu.
Gundogan anaamini kuwa mchezaji huyo wa Kimataifa wa Norway Haaland ana sifa zote za kupata tuzo hiyo ya kifahari.
“Kuna ubora, kila mtu anaweza kuuona,” Gundogan aliiambia tovuti rasmi ya City. “Kuna ubora mwingi ambao tayari anauleta, kwenye timu yetu, kwenye mchezo wake, Lakini pia jinsi anavyoshughulika na mambo ambayo ni muhimu kwake na kimawazo, dhamira anayokuwa nayo siku ya mechi na pia katika mazoezi, vyumba vya kubadilishia nguo, nadhani hilo ni jambo la kipekee”.
Gundogan alisema kuwa mshambuliaji huyo ni mnyenyekevu, na anajua anatakiwa kufanya kazi kwa bidii ili kufika alipo sasahivi na hata kufika sehemu bora zaidi huku akisema kuwa ana uhakika kuwa yote kwa pamoja yatamboresha zaidi na zaidi, sio tu msimu huu lakini katika miaka michache ijayo.
Gundogan amesisitiza kuwa Haaland atakuwa mchezaji hatari sana na ni tayari hatari lakini atakuwa bora zaidi na anadhani hii itaongeza nafasi yake ya kushinda Ballon d’Or.
