Juventus Wamelaaniwa UEFA

Baada ya kutolewa kwenye Michuano ya Ulaya – UEFA kwa faida ya goli la ugenini dhidi ya Olympique Lyonnais. Kocha wa Juventus – Maurizio Sarri anadhani timu yake imelaaniwa katika michuano hiyo.

Katika mchezo wa kwanza, Lyon waliibuka na ushindi wa goli 1-0 dhidi ya Juventus na hivyo kuifanya mechi yao ya marudiano kuwa ngumu zaidi. Juventus waliihitaji ushindi wa zaidi ya goli 2 ili kufuzu hatua ya robo fainali ya Michuano ya Ulaya – UEFA.

Magoli mawili ya Cristiano Ronaldo hayakutosha kuivusha Juventus kwenda hatua ya robo fainali. Mshambuliaji Mephis Depay alikuwa wa kwanza kuzitingisha nyavu za Juventus na hivyo kuizamisha kabisa timu ya Juventus.

Akizungumza baada ya mchezo huo, Sarri amesema ”  tumetolewa kwenye michuano ambayo tumeshinda michezo 6 kati ya 8 tuliyocheza, tumesuluhu 1 na kupoteza 1. Hii inamaanisha katika michezo 8 tumekusanya pointi 19″

“Kama kungekua na msimamo wa Michuano ya UEFA, tungekuwa wa kwanza au wa pili, lakini tumetoka. Ndio maana ninajisikia vibaya sana, inanifanya nielewe kwamba Juventus tumelaaniwa kwenye michuano hii.”

“Nisingekuwa na uchungu, ningetoka kwenye hii mechi nikiwa na uso wenye tabasamu kwa sababu nimewaona vijana wakicheza vizuri. Wamejitahidi kwa kila walichoweza kukitoa uwanjani kwa moyo wao wote mpaka mwisho wa mchezo, nimefurahi kwa hilo.”

Lyon na Juventus wote walipatiwa penati za kutatanisha, Ronaldo na Depay walitumia fursa hizo kufunga magoli. Sarri ameonekana kutofurahishwa na penati waliyopewa Lyon na kwamba kwake yeye haikuwa sahihi.

Sarri amesema ” Tulicheza vizuri katika mchezo ambao tulitokea nyuma ili kupata matokeo. Tulijikuta  tumefungwa kwa sababu ya penati ya kijinga. Kwa maoni yangu wasingepaswa hata kufika kwenye boksi kwa sababu ya madhambi aliyofanyiwa Gonzalo Higuain. Ile penati ni mjadala.”

“Refa hakuonesha uwezo wake katika nafasi kama ile. Kwa sisi kufungwa lile goli moja, kwetu ni kama tulifungwa magoli mawili. Tulikuwa vizuri kwasababu tulibadilisha matokeo lakini tulitumia nguvu kubwa sana”.

“Tulipata nafasi mbili au tatu za kufunga magoli dakika za mwisho kwa vichwa vya Ronaldo, Higuain nadhani na Leonardo Bonucci, nadhani tulikuwa karibu kufuzu. Kama tunapaswa kulaumu, basi tunapaswa kujilaumu kwa mchezo wetu wa kipindi cha kwanza tulipokuwa Lyon. Katika viwango hivi, ni kitu unapaswa kulipia”.

Kwa ushindi huu wa Lyon, unaifanya Juventus kuendelea kusubiri kubeba kombe la UEFA tangu mwaka 1996.

Tiketi yako ya kwanza kamwe haiwezi kupoteza ukiwa na Meridianbet. Unarudishiwa 100% ya Tiketi yako ya kwanza.

Ingia Mchezoni