Kevin Volland Atua Monaco Rasmi.

Klabu ya Monaco ya nchini Ufaransa imemsajili mchezaji wa zamani wa kimataifa wa Ujerumani Kevin Volland kutoka Bayer Leverkusen kwa mkataba wa miaka minne hadi mwaka 2024.

“Nimefurahi kujiunga na klabu hii yenye historia kubwa na yenye kiu ya mafanikio”, alisema Volland.

“Nimekuwa nikifuatilia matokeo ya awali ya timu hii na hivi sasa ninafurahi kujiunga na klabu hii na kufanya kazi nayo katika kuleta ujuzi wangu kwenye timu”, aliongeza Volland.

Monaco iliyokuwa ikinolewa na kocha wa zamani wa Bayern Munich Niko Kovac inasemekana kuwa imetoa kibunda cha euro milioni 20 kwa ajili ya kumpata mshambuliaji huyo.

Kevin alijiunga na Levekusen mwaka 2016 akitokea Hoffenheim na amefumania nyavu mara 77 katika michezo 247 ya Bundesliga.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza Sasa.